نن په تاریخ کې | ځانگړي مطالب | DW | 25.06.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن دوشنبه، د جون د میاشتې ۲۵مه نیټه او د ۲۰۱۲م کال ۱۷۷مه ورځ ده. د کال پای ته ۱۸۹ ورځې پاتې دي.

په تاریخ کې د نن ورځ مهمې پیښې:

د ۱۶۵۸م کال په همدی ورځ په هندوستان کې د مغلو پاچا اورنگزیب د سمگړهـ د جگړې تر گټلو وروسته خپل پلار بندي کړ.

د ۱۸۶۲م کال پر نن ورځ متحده ایالاتو د لایبیریا خپلواکي په رسمیت وپیژندله.

د ۱۹۲۴م کال پر همدغه ورځ انگلستان وویل چې دوی به سوډان پرې نه ږدي، په داسې حال کې چې مصر په مکمله توگه د سوډان څخه د انگلیسانو د وتلو غوښتنه کړې وه.

د ۱۹۴۲م کال پر نن ورځ په دویمه نړیواله جگړه کې د بریتانیا هوایي ځواک د آلمان د بریمن په ښار بمباري وکړه.

د ۱۹۷۵م کال پر همدې ورځ موزمبیق، له پرتگال څخه خپلواکي واخیسته.

د ۱۹۹۰م کال پر نن ورځ زامبیا کې د دولت پر ضد لاریونونه پیل شول.

د ۱۹۹۳م کال د جون د میاشتې پر پنځه ویشتمه نیټه د ترکیې لومړۍ ښځینه صدراعظمې تانسو چیلر، ائتلافي دولت جوړ کړ.

د ۱۹۹۶م کال پر همدغه ورځ په سعودي عربستان کې د متحده ایالاتو د هوایي ځواک استوگنځای ته څیرمه یوه بمي چاودنه تر سره شوه چې پکښې ۱۹ تنه امریکایا ووژل شول او نور ۲۷۰ تنه ئې ټپیان کړل.

د ۲۰۰۹م کال د جون د میاشتې پر ۲۵مه نیټه مشهور سندرغاړی مایکل جیکسن د ۵۰ کالو په عمر ومړ.

آژانسونه/ سید ریاض
کتونکی: نجیب الله زیارمل