1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن جمعه، د جون د میاشتې ۱ نیټه او ۲۰۱۲م کال ۱۵۳مه ورځ ده. د کال پای ته ۲۱۳ ورځې پاتې دي.

په تاریخ کې د نن ورځ مهمې پیښې:

د ۱۴۷۹م کال پر همدې ورځ په ډنمارک کې د کوپنهاگن پوهنتون تأسیس شو.

د ۱۶۷۱م کال پر نن ورځ ترکیې له پولنډ سره د جگړې اعلان وکړ.

د ۱۹۴۳م کال پر همدغه ورځ په دویمه نړیواله جگړه کې یو ملکي پرواز چې د لیزبون څخه لندن ته روان وو د المانانو له خوا وویشتل شو.

د ۱۹۵۸م کال پر نن ورځ شارل دوگل د فرانسې د لومړي وزیر په توگه وټاکل شو.

د ۱۹۷۶م کال د جون د میاشتې پر لومړۍ نیټه سوریې پر لبنان برید وکړ.

د ۱۹۸۷م کال پر همدې ورځ د لبنان لومړی وزیر، رشید کریمي په یوه چاودنه کې ووژل شو. دغه بم په هغه څرخي الوتکه کې ځای پر ځای کړای شوی وو چې ده په کې الوتنه کوله.

د ۲۰۰۱م کال پر همدې ورځ د نیپال شهزاده دیپندرا د خپل مور او پلار سربیره د شاهي کورنۍ نور ۶ تنه غړي ووژل او بیا وروسته ئې خپل ځان هم وواژه.

د ۲۰۰۴م کال پر نن ورځ غازي مشعل عجيل الياور، د عراق د ولسمشر په توگه وټاکل شو.

د ۲۰۰۵م کال د جون د میاشتې پر لومړۍ نیټه یو وسله وال تن د هایتي په پلازمینه کې یو فرانسوی دیپلومات په ډزو وواژه.

د ۲۰۰۹م کال پر همدې ورځ د فرانسې د هوایي شرکت یوه الوتکه چې په کې ۲۲۸ تنه سپاره ول د ریو دوژانیرو، څخه د فرانسې پر لور الوتنه وکړه او د اتلانتیک په بحر کې ډوبه شوه.

آژانسونه/ سید ریاض
کتونکی: مسعود جهش