1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن سه شنبه، د مې د میاشتې ۱۵مه نیټه او د ۲۰۱۲م کال ۱۳۶ ورځ ده. د کال پای ته ۲۳۰ ورځې پاتې دي.

په تاریخ کې د نن ورځ مهمې پیښې:

د ۱۹۱۸م کال پر همدې ورځ د لومړي ځل له پاره د واشنگټن، فیلاډلفیا او نیویارک تر منځ د هوا له لارې د پوستې لیږدول و ازمویل شول.

د ۱۰۲۳م کال پر نن ورځ انگلستان په رسمي توگه د ختیځ اردن خپلواکي ومنله.

د ۱۹۴۰م کال پر همدغه ورځ په دویمه نړیواله جگړه کې هالند المان ته تسلیم شو.

د ۱۹۵۵م کال پر نن ورځ د اطریش د یوه خپلواکه هیواد په توگه د منلو تړون لاسلیک شو.

د ۱۹۶۲م کال د مې د میاشتې پر پنځلسمه نیټه د متحده ایالاتو ولسمشر جان ایف کینډي په تایلنډ کې د نورو ۴۰۰۰ سرتیرو د ځای پر ځای کولو امر وکړ.

د ۱۹۹۱م کال پر همدې ورځ د فرانسې صدراعظم میشایل روکارد له خپلې دندې استعفی وکړه.

د ۱۹۹۲م کال پر نن ورځ په اذربایجان کې د اپوزیسون په زورونو تنو ملاتړ کوونکو د پارلمان او د ولسمشرۍ ماڼې ونیوله.

د ۱۹۹۸م کال پر همدغه ورځ هندوستان په یوه اونۍ کې د پنځو اتومي ازموینو تر سره کولو وروسته ځان د اتومي بم لرونکي هیواد په نوم اعلان کړ.

آژانسونه/ سید ریاض
کتونکی: نجیب الله زیارمل