1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن یکشنبه د مې د میاشتې ۱۳مه نیټه او د ۲۰۱۲م کال ۱۳۴مه ورځ ده. د کال پای ته ۲۳۲ ورځې پاتې دي.

په تاریخ کې د نن ورځ مهمې پیښې:

د ۱۸۰۹م کال پر همدې ورځ فرانسوي ځواکونو د ناپیلیون بوناپارټ په مشرې، وینا ولکه کړ.

د ۱۸۸۸م کال پر نن ورځ په برازیل کې پر غلامې باندې بندیز ولگول شو.

د ۱۹۶۲م کال پر همدغه ورځ وسله والو د انډونیزیا د ولسمشر د ترور هڅه وکړه، خو ولسمشر له دې بریده روغ رمټ ووت.

د ۱۹۶۸م کال پر نن ورځ د امریکا متحده ایالاتو او د شمالي ویتنام مرکچیانو په پاریس کې د سولې خبرې اترې پیل کړې.

د ۱۹۷۰م کال پر همدغه ورځ اسرائیل پر لبنان برید وکړ تر څو د چریکي اورپکو مرکزونه له منځه یوړل شي.

د ۱۹۸۱م کال د مې د میاشتې پر ۱۳مه نیټه په روم کې پر پاپ جان پاول دویم، باندې د یوه ترکي وگړې له خوا ډزې وشوې او هغه ئې سخت زخمي کړ. داسې گمان کیږي چې د دغه برید تر شا د ختیځې اروپا د استخباراتو لاس وي.

د ۱۹۹۰م کال پر همدې ورځ دوه تنه امریکایي پيلوټان په فلیپين کې د کلارک هوایي پوځي اډې تر څنگ ووژل شول.

د ۲۰۰۷م کال پر همدې ورځ د افغانستان په سویل کې د امریکایي پوځي عملیاتو په لړ کې د وسله والو طالبانو یو قوماندان ملا داد الله، ووژل شو.

د ۲۰۰۸م کال د مې د میاشتې پر ۱۳مه نیټه د هندوستان په جی پور کې د بمي چاودونو له امله ۶۰ تنه ووژل شول او تر ۱۵۰ زیات ټپیان شول.

د ۲۰۱۱م کال پر همدې ورځ د پاکستان پر نیمه پوځي میلشو دوه غبرگو ځانمرگي بریدونو ۶۶ تنه ووژل.

آژانسونه/ سید ریاض
کتونکی: نجیب الله زیارمل