1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن جمعه د مې د میاشتې ۱۱ نیټه او د ۲۰۱۲م کال ۱۳۲ ورځ ده. د کال پای ته ۲۳۴ ورځې پاتې دي.

په تاریخ کې د نن ورځ مهمې پیښې:

د ۱۸۲۴م کال پر همدې ورځ بریتانوي ځواکونو په برما (اوسنی میانمار) کې رنگون لاندې کړ.

د ۱۹۴۹م کال پر نن ورځ ملگرو ملتونو اسرائیل په رسمیت وپیژند.

د ۱۹۴۹م کال د مې د میاشتې پر یوولسمه نیټه د سیام هیواد خپل نوم په تایلنډ واړوه.

د ۱۹۹۲م کال پر نن ورځ عربي هیوادونو او اسرائیل په منځني ختیځ کې د وسلو د سیلاب د مخنیوي په موخه خبرې اترې پیل کړې.

د ۱۹۹۳م کال پر همدغه ورځ په تایلنډ کې د نانځکو په یوه فابریکه کې د اور لگیدنې له امله لږ تر لږه ۱۸۸ تنه ووژل شول.

د ۱۹۹۶م کال پر همدې ورځ د بنگله دیش په شمال کې د گرد بادونو له امله تر ۶۰۰ زیات کسان ووژل شول او شاوخوا ۳۴ زره تنه ټپیان شول.

د ۱۹۹۸م کال پر نن ورځ هندوستان د ځمکې د لاندې درې اتومي ازموینې تر سره کړې. دا د ۱۹۷۴م کال وروسته لومړنې اتومي ازموینې وې چې هندوستان تر سره کړې.

د ۲۰۰۰م کال د مې د میاشتې پر ۱۱مه نیټه د یوې ماشومې چې پرې د آستا نوم کیښودل شو، له زیږدنې سره په رسمي توگه د هندوستان نفوس تر یو ملیارد واوښت.

آژانسونه/ سید ریاض
کتونکی: مسعود جهش