1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن سه شنبه د مې د میاشتې ۸ نیټه او د ۲۰۱۲م کال ۱۲۹مه ورځ ده. د کال پاې ته ۲۳۷ ورځې پاتې دي.

په تاریخ کې د نن ورځ مهمې پیښې:

د ۱۸۵۲م کال پر همدې ورځ د ډنمارک د بشپړ ملي حاکمیت ضمانت د لندن په تړون کې ورکړل شو، چې پکښې بریتانیې، فرانسې، روسیې، پروسیا، اطریش او سویډن گډون کړی وو.

د ۱۸۸۶م کال پر نن ورځ لومړنۍ کوکاکولا، چې د ډاکټر جون پيمبرتون، اختراع وه، د اتلانتا د جورجیا د یاکوبز فارمیسې کې وپلورل شوه.

د ۱۸۹۷م کال پر همدغه ورځ یونان له لویو قدرتونو څخه وغوښتل چې د ترکیې او یونان په جگړه کې مداخله وکړي.

د ۱۹۱۶م کال پر نن ورځ په لومړنۍ نړیواله جگړه کې د استرالیا او نیوزیلنډ ځواکونه فرانسې ته ورسیدل.

د ۱۹۴۵م کال د مې د میاشتې پر اتمه نیټه الماني ځواکونه روسیې ته تسلیم شول او په اروپا کې دویمه نړایوله جگړه پای ته ورسیده.

د ۱۹۹۲م کال پر همدغه ورځ شاوخوا ۱۰۰ زره تایلنډیانو د پوځ له امر څخه سرغړونه وکړه او په بنکاک کې ئې د دولت پر ضد لاریون تر سره وکړ.

د ۱۹۹۹م کال پر همدې ورځ په بلگراد کې ناټو په غلطې سره د چین پر سفارت بمباري وکړه چې پکښې درې تنه خبریالان ووژل شول.

د ۲۰۱۰م کال د مې د میاشتې پر اتمه نیټه پاکستان د لیرې واټن ویشتونکي توغنديو کامیابه ازموینه تر سره کړه. دغه توغندو له ځانه سره د اتومي سرگولولو د لیږد توان هم درلود.

آژانسونه/ سید ریاض
کتونکی: نجیب الله زیارمل