1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د یکشنبې ورځ د اپریل د میاشتې ۲۹مه نیټه او د ۲۰۱۲م کال ۱۲۰مه ورځ ده. د کال پاې ته ۲۴۶ ورځې پاتې دي.

په تاریخ کې د نن ورځ مهمې پیښې:

د ۱۸۴۸م کال پر همدغه ورځ پاپ نهم د ایټالیې د ملي تحریک څخه خپل ځان جلا کړ.

د ۱۹۱۸م کال پر نن ورځ په لومړنۍ نړیواله جگړه کې المان په لویدیځ محاذ باندې خپلو عملیاتو ته د پاې ټکی کیښود.

د ۱۹۶۵م کال پر همدې ورځ آسترالیا پریکړه وکړه چې جنوبي ویتنام ته خپل ځواکونه ولیږي.

د ۱۹۸۹م کال د اپریل د میاشتې پر ۲۹مه نیټه د جنوبي کوریا پولیسو شاوخوا ۲۲۰۰ تنه کارگر او زده کوونکي ونیول تر څو د کارگرانو د لاریون مخه ډب کړي.

د ۱۹۹۵م کال پر همدغه ورځ د سري لنکا تامل پړانگانو یوه پوځي الوتکه راوغورځوله چې په پایله کې ئې ۵۲ تنه ووژل شول.

د ۲۰۰۳م کال پر نن ورځ د پاکستان په کراچی ښار کې پولیسو د القاعدې ترهگرې شبکې ۶ تنه شکمن کسان ونیول. پر دوی باندې تور وو چې په پاکستان کې ئې د امریکایي تاسیساتو د په نښه کولو په پلان باندې کار کاوه.

د ۲۰۰۷م کال پر همدې ورځ وسله والو د عراق په پلازمینه بغداد کې د رادیو او تلویزون یو نامتو خبریال سخت ټپي کړ.

د ۲۰۱۰م کال د اپریل د میاشتې پر ۲۹مه په چین کې یو ۴۷ کلن کس د یوه مکتب ۲۸ زده کوونکي، دوه استادان او دوه ساتونکي په چړو ووهل.

آژانسونه/ سید ریاض
کتونکی: نجیب الله زیارمل