1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د شنبې ورځ د اپریل د میاشتې ۱۵مه نیټه او د ۲۰۱۲م کال ۱۰۶مه ورځ ده. د کال پای ته ۲۶۰ ورځې پاتې دي.

په تاریخ کې د نن ورځ مهمې پیښې:

د ۱۶۸۹م کال پر همدې ورځ د فرانسې پاچا لویس شپاړسم، د هسپانیې سره د جگړې اعلان وکړ.

د ۱۸۵۶م کال پر نن ورځ انگلستان، فرانسې او اتریش د ترکیې د بشپړ تمامیت او خپلواکۍ ډاډ ورکړ.

د ۱۸۶۲م کال پر همدغه ورځ د متحده ایالاتو د کولمبیا په ولسوالۍ کې پر غلامې د بندیز مسوده پر قانون واوښته.

د ۱۸۶۵م کال پر همدې ورځ د متحده ایالاتو د ولسمشر ابراهم لنکن تر ترور وروسته اندریو جانسن د متحده ایالاتو د ۱۷ ولسمشر په توگه لوړه وکړه.

د ۱۹۱۲م کال د اپریل د میاشتې پر پنځلسمې نیټې د هغه وخت د نړۍ تر ټولو لویه او مجهزه مسافر وړونکي کښتۍ ټایټانیک په سمندر کې د یخ د کنگل سره د جنگیدو له امله ډوبه شوه او پکښې تر ۱۵۰۰ زیات کسان ووژل شول.

د ۱۹۵۹م کال پر همدې ورځ د کیوبا ولسمشر فیدرل کاسترو واشنگټن ته ورسید.

د ۱۹۷۴م کال پر نن ورځ لویدیځ افریقایي هیواد نایجیر کې د یوې پوځي کودتا په ترڅ کې د ملکي حکومت بستره راونغاړل شوه.

د ۱۹۷۷م کال پر همدغه ورځ په پاکستان کې احتجاجي مارشونه په خونړیو پیښو واوښتل او پکښې لږ تر لږه ۸ تنه ووژل شول.

د ۱۹۸۶م کال پر نن ورځ په مصر کې د ولسمشر انور سادات د ترور په تور پنځه تنه اسلامپال اعدام شول.

د ۲۰۰۱م کال پر همدغه ورځ د چین یوه مسافر وړونکي الوتکه رانسکوره شوه چې په ترڅ کې ئې ۱۲۰ کسانو خپل ژوند له لاسه ورکړ.

آژانسونه/ سید ریاض
کتونکی: نجیب الله زیارمل