نن په تاریخ کې | ځانگړي مطالب | DW | 11.04.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د چهار شنبې ورځ د اپریل د میاشتې ۱۱مه نیټه او د ۲۰۱۲م کال ۱۰۲مه ورځ ده. د کال پای ته ۲۶۴ ورځې پاتې دي.

په تاریخ کې د نن ورځ مهمې پیښې:

د ۱۵۶۴م کال پر همدې ورځ د تروا، د سولې تړون د انگلستان او فرانسې تر منځ جگړې ته د پای ټکی کیښود.

د ۱۸۹۴م کال پر نن ورځ یوگندا د انگلستان د تحت الحمایې هیواد په نوم اعلان شو.

د ۱۹۲۱م کال پر همدغه ورځ په متحده ایالاتو کې آیووا، لومړنی ایالت شو چې پر سگریټو ئې مالیه ولگوله.

د ۱۹۶۱م کال د اپریل د میاشتې پر یوولسمه نیټه نایجریا له جنوبي افریقا سره په تجارت باندې بندیز ولگاوه.

د ۱۹۷۹م کال پر همدې ورځ د یوگندا ولسمشر عیدي امین، د یاغیانو له خوا د کنترول تر لاسه کولو وروسته له دندې گوښه کړای شو.

د ۱۹۸۱م کال پر نن ورځ د متحده ایالاتو ولسمشر رونالد ریگن په روغتون کې د ۱۲ ورځو تیرولو سپینې ماڼۍ ته راستون شو. ریگن د ترور په یوه هڅه کې ټپي شوی وو.

د ۱۹۹۱م کال پر همدغه ورځ د ملگرو ملتونو د امنیت د شوری په رسمي توگه د خلیج د جگړې پای اعلان کړه.

د ۱۹۹۹م کال د اپریل د میاشتې پر یوولسمه نیټه هند د منځني واټن (شاخوا ۲۰۰۰ کیلومتره) ویشتونکي یوه توغندي چې له ځانه سره ئې د اتومي وسلو د لیږد توان هم درلود ازموینه تر سره کړه. دوه ورځې وروسته پاکستان هم د داسې یوه توغوندي د ازموینې د تر سره کولو اعلان وکړ.

آژانسونه/ سید ریاض
کتونکی: نجیب الله زیارمل