1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د جمعې ورځ د اپریل د میاشتې شپږمه نیټه او د ۲۰۱۲م کال ۹۷مه ورځ ده. د کال پای ته ۲۶۹ ورځې پاتې دي.

په تاریخ کې د نن ورځ مهمې پیښې:

د ۱۸۲۳م کال پر همدې ورځ فرانسوي ځواکونه د بایدوسوا، له سیند څخه تیر شول چې په هسپانیه کې لبرالیزم وځپي.

د ۱۸۹۷م کال پر نن ورځ د زنگبار پاچا پر غلامی بندیز ولگاوه.

د ۱۹۱۷م کال پر همدغه ورځ د امریکا متحده ایالاتو له المان سره د جگړې اعلان وکړ.

د ۱۹۴۱م کال پر همدې ورځ المان، یونان، ولکه کړ او بیلگراد ئې بمبار کړ.

د ۱۹۹۰م کال پر نن ورځ په نیپال کې د دموکراسې د پلویانو پر یو لاریون باندې پولیسو ډزې وکړي چې په ترڅ کې ئې ۱۵ تنه ووژل شول.

د ۱۹۹۱م کال د اپریل د میاشتې پر ۶مه نیټه عراق په خلیج کې د جگړې د ختمولو له پاره د ملگرو ملتونه شرطونه په بې میلې سره ومنل.

د ۱۹۹۲م کال پر همدې ورځ اروپایي ټولنې بوزنیا د یوه آزاد هیواد په حیث وپیژنده.

د ۱۹۹۴م کال پر همدې ورځ د روانډا ولسمشر د الوتکې د رالویدو په پیښه کې ووژل شو.

آژانسونه/ سید ریاض
کتونکی: مسعود جهش