1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د دوشنبې ورځ د اپریل د میاشتې دویمه نیټه او د ۲۰۱۲م کال ۹۳مه ورځ ده. د کال پای ته ۲۷۵ ورځې پاتې دي.

په تاریخ کې د نن ورځ مهمې پیښې:

د ۱۷۴۵م کال پر همدې ورځ د بایرن او اتریش تر منځ د سولې تړون لاسلیک شو.

د ۱۸۶۰م کال پر نن ورځ د ایټالیې لومړني پارلمان خپله لومړې غونډه تر سره کړه.

د ۱۹۳۰م کال پر همدې ورځ د نیویارک او برمودا تر منځ لومړنۍ الوتنه تر سره شوه.

د ۱۹۷۹م کال پر همدې ورځ د اسرائیلو لومړي وزیر مناخیم بگین، د مصر له ولسمشر انور سادات سره په قاهر کې ولیدل.

د ۱۹۸۶م کال د اپریل د میاشتې پر دویمه نیټه څلور امریکایي تابعیت لرونکي مسافر د یونان د اتن په هوایي ډگر کې د چاودنې له امله ووژل شول.

د ۱۹۹۲م کال پر همدغه ورځ د فرانسې لومړې وزیرې له خپلې دندې استعفا ورکړه.

د ۲۰۰۹م کال پر نن ورځ د ناټو په ۲۱مه سرمشریزه غونډه کې اندرس فوگ راسموسن د ناټو د نوي منشي په توگه وټاکل شو.

د ۲۰۱۱م کال پر همدې ورځ د جاپان لومړي وزیر له هغې سیمو څخه لیدنه وکړه چې د زلزلې او څونامي له امله زیانمنې شوې وې.

آژانسونه/ سید ریاض
کتونکی: مسعود جهش