1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د پنجشنبې ورځ د مارچ د میاشتې لمړۍ نیټه او د ۲۰۱۲م کال ۶۱مه ورځ ده. د کال پای ته ۳۰۵ ورځې پاتې دي.

په تاریخ کې د نن ورځ مهمې پیښې:

د ۱۵۶۲م کال پر همدې ورځ په فرانسه کې په لمړۍ مذهبي جگړه کې شاوخوا ۱۲۰۰ فرانسوي پروتستان په ډله ییزه توگه ووژل شول.

د ۱۷۹۰م کال پر نن ورځ د امریکې سنا د لمړي ځل له پاره سر شمیرنه ومنله.

د ۱۸۱۵م کال پر همدغه ورځ ناپیلیون بوناپارټ فرانسې ته ورسید او پر پاچا لیویس اتلسم ئې زور راوړ چې پاچاهي پریږدي.

د ۱۸۷۰م کال د مارچ د میاشتې پر لمړۍ نیټه د پراگواي او د برازیل، ارجنټاین او اورگوای ایتلافي ځواکونو تر منځ جگړه پای ته ورسیده.

د ۱۹۱۹م کال پر همدې ورځ په سول کې د کوریا خپلواکۍ اعلان کړای شوه.

د ۱۹۴۳ پر نن ورځ په دویمه نړیواله جگړه کې د بریتانیې هوایي پوځ د اروپايي هیوادونو د اورگاډي پټلۍ په سیستماتیک ډول بمبار کړه.

د ۱۹۹۴م کال پر همدغه ورځ اسرائیلو د فلسطینانو ۵۰۰ تنه بندیان آزاد کړل تر څو د فلسطین د آزادې د تحریک سره بیرته د سولې د خبرو اترو میز ته کیني.

د ۱۹۹۵م کال د مارچ د میاشتې په لمړۍ نیټه د روسیې د یواځیني ملي تلویزون رئیس په خپل کور کې ووژل شو.

د ۲۰۰۳م کال پر همدې ورځ د سپتمبر د یوولسمو پیښو اصلي طراح خالد شیخ محمد د پاکستان په راولپنډې ښار کې ونیول شو.

د ۲۰۰۸م کال پر نن ورځ د انگلستان شهزاده هیرې په افغانستان کې د لسو اونیو د پټ پوځي ماموریت د تیرولو وروسته خپل هیواد ته راستون شو.

آژانسونه/ سید ریاض
کتونکی: نجیب الله زیارمل