نن په تاریخ کې | ځانگړي مطالب | DW | 24.02.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د جمعې ورځ د فیبروري د میاشتې ۲۴مه نیټه او د ۲۰۱۲م کال ۵۵ ورځ ده. د کال پای ته ۳۱۱ ورځې پاتې دي.

په تاریخ کې د نن ورځ مهمې پیښې:

د ۱۶۵۶م کال پر همدې ورځ هسپانیې له انگلستان سره د جگړې اعلان وکړ.

د ۱۸۹۱م کال پر ننۍ ورځ شمال ختیځ چین ته، د لي ویلي، د راتگ له امله چین روسیې ته تاوان ورکړ.

د ۱۹۲۰م کال پر همدغه ورځ په آلمان کې د نازيانو گوند تأسیس شو.

د ۱۹۴۵م کال د فیبروري د میاشتې پر ۲۴مه نیټه د مصر لومړی وزیر احمد پاشا، تر هغې وروسته ترور شو چې مصر د المان پر وړاندې د جگړې اعلان وکړ.

د ۱۹۹۱م کال پر همدې ورځ د روسیې له لوري د وروستی دیپلوماتیکي هلو ځلو د ناکامۍ څو ساعته وروسته ائتلافي ځواکونو په کویت او عراق کې د عراقي ځواکونو په وړاندې ځمکني عملیات پیل کړل.

د ۱۹۹۸م کال پر نن ورځ په هند کې یوې وسلوالې ډلې د سوسیالتي گوند یو کاندید او د هغه څلور تنه ملگري ووژل.

د ۲۰۰۴م کال پر همدغه ورځ د مراکش په شمالي برخه کې د زورورې زلزلې له امله شاوخوا ۵۵۰ تنو انسانانو خپل ژوند له لاسه ورکړ.

د ۲۰۰۸م کال پر همدې ورځ د فیدرل کاسترو، ورور راول کاسترو، د کیوبا ولسمشر شو.

آژانسونه/ سید ریاض
کتونکی: مسعود جهش