1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د یکشنې ورځ د فبروري د میاشتې ۱۲مه نیټه او د ۲۰۱۲م کال ۴۳مه ورځ ده. د کال پای ته ۳۲۳ ورځې پاتې دي.

په تاریخ کې د نن ورځ مهمې پیښې:

د ۱۶۱۰م کال پر همدې ورځ د فرانسې پاچا هینري څلورم د آلمان د پروتیستنتانو سره د ملاتړ تړون لاسلیک کړ.

د ۱۷۳۶م کال پر نن ورځ نادر شاه د فارس پاچا شو.

د ۱۸۹۹م کال پر همدغه ورځ آلمان د هسپانیې څخه د مارینا، کارولین او د پاولو جزیرې راونیولې.

د ۱۹۷۰م کال د فبروري د میاشتې پر دولسمه نیټه په مصر کې د اوسپنې پر یوې فابرېکې اسرائیلو هوایي برید تر سره کړ، چې په ترڅ کې ئې ۷۰ ملکي کسان ووژل شول.

د ۱۹۷۳م کال پر همدې ورځ د ویتنام څخه د جگړې لمړنې امریکایي بندي وروسته تر هغې آزاد شو چې د امریکا او ویتنام استازو په پاریس کې سره د جنوري په میاشت کې یو تړون لاسلیک کړی وو.

د ۱۹۷۴م کال پر نن ورځ په مسکو کې د سولې د جایزې گټونکی الکساندر سولژنتڅین، په خپل کور کې ونیول شو او یوه ورځ وروسته جلا وطن کړای شو.

د ۲۰۰۲م کال د فبروري د میاشتې پر دولسمه نیټه پاکستاني چارواکو احمد عمر سعید شیخ د یوه امریکایي خبریال ډانیل پرل د وژنې په قضیې کې د ممکنه ښکیلتیا له امله ونیوه.

د ۲۰۰۷م کال پر همدې ورځ د عراق یوې محکمې د پخواني ولسمشر صدام حسین مرستیال طَه یسین رمضان، د مرگ په سزا محکوم کړ.

آژانسونه/ سید ریاض
کتونکی: نجیب الله زیارمل