نن په تاریخ کې | ځانگړي مطالب | DW | 05.02.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د یکشنبې ورځ د فبروري د میاشتې ۵مه نیټه او د ۲۰۱۲م کال ۳۶ ورځ ده. د کال پای ته ۳۳۰ ورځې پاتې دي.

default

په تاریخ کې د نن ورځ مهمې پیښې:

د ۱۷۸۲م کال پر همدې ورځ هسپانوي ځواکونو د بریتانوي ځواکونو څخه د مینورکا جزیره ونیوله.

د ۱۹۵۸م کال پر نن ورځ جمال عبدالناصر په رسمي توگه د نوي متحد عربي جمهوریت مشرتابه ته ونومول شو. په دغه اتحاد کې مصر او سوریه شامل وو.

د ۱۹۷۱م کال پر همدغه ورځ د امریکا متحده ایالاتو ۱۴ ستورمزلي سپوږمۍ ته ورسیدل.

د ۱۹۷۶م کال د فبروري پر پنځمه په گواتامالا کې یوې زورورې زلزلې د ۲۳ زرو انسانانو ژوند واخیست.

د ۱۹۹۴م کال پر همدې ورځ په سرایوو کې د گڼې گوڼي په یوه ځای کې د یوې هوان مرمې د لگیدو له امله ۶۸ تنه ووژل شول.

د ۱۹۹۹م کال پر نن ورځ د جنوبي افریقا ۸۰ کلن ولسمشر، نیلسن منډیلا پارلمان ته خپله وروستې وینا واوروله.

د ۲۰۰۵م کال پر همدغه ورځ د ناټو څرخي الوتکې د کابل په ختیځ کې د یوه افغاني شرکت د رالویدلې مسافر وړونکي الوتکې څرک ولگاوه. په دغه الوتکه کې ۱۰۴ تنه مسافر سپاره ول.

د ۲۰۱۱م کال د فبروري په پنځمه نیټه د عراق د لومړي وزیر، نوري المالکي یو مشاور وویل چې لومړی وزیر به د دریم ځل له پاره ځان کاندید نه کړي.

آژانسونه/ سید ریاض
کتونکی: نجیب الله زیارمل