1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د شنبې ورځ د فبروري د میاشتې ۴مه نیټه او د ۲۰۱۲م کال ۳۵مه ورځ ده. د کال پای ته ۳۳۱ ورځې پاتې دي.

default

په تاریخ کې د نن ورځ مهمې پیښې:

د ۱۵۸۵م کال پر همدې ورځ د فرانسې پاچا، هینري دریم د هالنډ ملي حاکمیت ونه مانه.

د ۱۷۸۹م کال پر نن ورځ جورج واشنگټن د امریکا د متحده ایالاتو د ولسمشر په توگه غور کړای شو.

د ۱۹۶۹م کال پر همدغه ورځ په هالنډ کې د چین استازی امریکا ته ورسید او هلته ئې د سیاسي پناه غوښتنه وکړه.

د ۱۹۷۲م کال د فبروري د میاشتې په څلورمه انگلستان او نورو ۹ هیوادونو ختیځ پاکستان د آزاد هیواد بنگله دیش په توگه په رسمیت وپیژند.

د ۱۹۹۴م کال پر همدې ورځ په سارایوو کې ۹ تنه هغه وخت د هوان د مرمې قرباني شول، کله چې د ډوډې اخیستلو له پاره په کتار کې ولاړ ول.

د ۱۹۹۵م کال پر نن ورځ چیچن یاغیانو د لومړي ځل له پاره په گروزني کې یوه روسي جیټ الوتکه راوغورځوله.

د ۱۹۹۷م کال پر همدغه ورځ د اسرائیل دوه څرخي الوتکې چې لبنان ته ئې سرتیري وړل د خرابې هوا او سخت باران پر وخت له یو بل سره وجنگیدې چې په ترڅ کې ئې ۷۳ اسرائیلي سرتیري ووژل شول.

د ۱۹۹۸م کال د فبروري پر ۴مه نیټه د افغانستان په شمال کې د سختې زلزلې له امله کابو ۴۵۰۰ کسانو خپل ژوند له لاسه ورکړ.

د ۲۰۰۷م کال پر همدې ورځ د افغانستان په جنوب کې د ناټو په یو هوایي برید کې یو لوړپوړی طالب قوماندان ووژل شو.

آژانسونه/ سید ریاض
کتونکی: مسعود جهش