1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د شنبې ورځ د جنوري د میاشتې ۲۸مه نیټه او د ۲۰۱۲م کال ۲۸مه ورځ ده. د کال پای ته ۳۳۸ ورځې پاتې دي.

default

په تاریخ کې د نن ورځ مهمې پیښې:

د ۱۵۴۷م کال پر همدې ورځ د انگلستان پاچا، هینري اتم، ومړ او د هغه نهه کلن زوي، ایډوارډ شپږم، د هغه ځای ناستې شو.

د ۱۸۴۶ م کال پر نن ورځ د ایسټ انډیا د کمپنی ځواکونو د هندوستان په علیوال کې سکانو ته ماتې ورکړه.

د ۱۸۷۱م کال پر همدغه ورځ د، فرانکو – پروسیا، په جگړه کې فرانسه تسلیم شوه.

د ۱۹۰۹م کال د جنورې د میاشتې په ۲۸مه په کیوبا د امریکا کنترول پاې ته ورسید.

د ۱۹۳۲م کال پر همدې ورځ جاپاني ځواکونو په چین کې شنگهایي تر ولکې لاندې راوسته.

د ۱۹۴۹م کال پر نن ورځ د ملگرو ملتونو د امنیت شوری په انډونیزیا کې د ډزبندې مسوده ومنله.

د ۱۹۹۰م کال پر همدغه ورځ په اذربایجان کې ورځنې ژوند وروستې تر هغې خپل عادي حالت ته راغی چې د آرمینیا او اذربایجان بیلتون غوښتونکي د سرحدو سیمو څخه ووتل.

د ۱۹۹۴م کال پر نن ورځ په بوسنیا کې د هوان یوې مرمې دری تنه ایټالوي ژورنالیستان ووژل.

د ۱۹۹۸م کال د جنورې د میاشتې په ۲۸مه نیټه په هندوستان کې د محکمې یوه قاضي د دغه هیواد د ترور شوي صدراعظم، راجیو گاندهي، د ترور په تور ۲۶ تنو ته چې د سري لنکا د تامل پړانگانو سره ئې تړاو درلود د مرگ په سزا محکوم کړل.

آژانسونه/ سید ریاض
کتونکی: مسعود جهش