1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاریخ کې

نن د یکشنبې ورځ، د نومبر د میاشتې ۳مه نیټه او د ۲۰۱۱م کال ۳۱۰ ورځ ده. د کال پاې ته ۵۵ ورځې پاتي دي.

default

په تاریخ کې د نن ورځې مهمې پیښې:

د ۱۸۶۰م کال پر دغه ورځ، ابراهام لنکلن، د امریکا د متحده ایالاتو د جمهور ریس په توګه وټاکل شو.

د ۱۹۳۷م کال پر همدې ورځ ایټالیه د المان ـ جاپان د کمونسیتي ضد تړون کې ورګډ شو.

د ۱۹۴۲م کال د نومبر په ۶مه نیټه د هندوستان په بینګال کې د سمندري طوفانونو له امله ۱۰ زره تنه ووژل شول.

د ۱۹۴۴م کال پر همدغه ورځ د انګلستان یو برحاله وزیر په قاهره کې د یهودي تندلارو له خوا ووژل شو.

د ۱۹۶۲م کال پر ننې ورځ ملګرو ملتونو پر جنوبې افریقا د توکم پالنۍ د پالیسو له امله د اقتصادي بندیزونو لپاره غږ پورته کړ.

د ۱۹۶۸م کال پر همدغه ورځ په پاریس کې د ویتنام د سولې خبرې اترې پیل شوې.

د ۱۹۷۰م کال همدغه ورځ ایټالیې، چین په رسمیت وپیژند.

د ۱۹۹۶م کال د نومبر د میاشتې په شپږمه نیټه د هندوستان په اتراپردیش کې د ګرد بادونو له امله ۱۰۰۰ تنو انسانانو خپل ژوند له لاسه ورکړ. په ۱۹۷۷م کال کې په اترپردیش کې د دغه ګرد بادونو له امله شاوخوا ۱۰ زره انسانان وژل شوي ول.

د ۲۰۰۱م کال پر همدغه ورځ د المان د هغه وخت صدراعظم، ګیرهارد شرودر، د امریکا له خوا د تروریزم پر ضد جګړه کې د ۳۹۰۰ تنو المانوي سرتیرو د شاملیدو اعلان وکړ.

د ۲۰۰۲م کال د نومبر د میاشتې په شپږمه نیټه د ملګرو ملتونو د ماشومانو ادارې « یونیسف » وویل چې په افغانستان کې د امیدوارې او د ماشوم د زیږدنې پر وخت په هرو ۲۰ دقیقو کې یوه مور مري.

اژانسونه/ سید ریاض
کتونکی: نجیب الله زیارمل