1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاريخ کي

نن د دوشنبې ورځ، د اکتوبر د مياشتي ۱۷مه نېټه او د ۲۰۱۱م کال ۲۹۰ ورځ ده. د کال پای ته ۷۵ ورځي پاتي دي.

default

په تاريخ کې د نن ورځې مهمې پيښې:

د ۱۹۱۲ميلادي کال د اکتوبر د مياشتي پر ۱۷ نېټه ترکيې د بلغاريې سره د جګړې اعلان وکړ.

د ۱۹۱۳ميلادي کال د اکتوبر د مياشتي په دغه ورځ صربستان پر البانيا بريد وکړ.

د ۱۹۱۸ميلادي کال په همدغه ورځ په رسمي توګه د يوګوسلاويا د جمهوريت بنسټ کيښودل شو.

د ۱۹۳۳ميلادي کال په دغه ورځ، البرټ آينشټان د آلمان د نازيانو له لاسه د امريکا متحده ايالاتو ته مهاجر سو.

د ۱۹۵۳ميلادي کال د اکتوبر په ۱۷مه، فرانسې پر دې هوکړه وکړه چي د اتريش د ټولو ولکه سويو سيمو څخه به خپل پوځيان باسي.

د ۱۹۵۷ميلادي کال په دغه ورځ فرانسوي ليکوال، البرکامو، ته د ادبياتو په برخه کي د نوبل جايزه ورکړل شوه.

د ۱۹۷۷ميلادي کال د اکتوبر د مياشتي په دغه ورځ، د ختيځ آلمان کوماندويانو د سوماليې په موگاديشو کي د لوفتانزا پر يرغمل سوي الوتکي هجوم وروړ او ټول ۸۶تنه برمته سوي يې راخلاص کړل.

د ۱۹۷۹ميلادي کال د اکتوبر پر ۱۷مه نيټه، مادرټريسا ته د هندوستان په کلکته کي د غريبانانو سره د درو لسيزو مرستو وروسته د نوبل جايزه ورکړل سوه.

د ۱۹۹۸ميلادي کال په دغه ورځ، د نايجريا په هيواد کي د تيلو په يو نل کې هغه وخت چاودنه وسوه، چې د يو کلي اوسيدونکي د هغې څخه د تيلو د را ايستلو هڅه کوله، چي په ترڅ کي يې لږ تر لږه ۷۰۰تنه ووژل سول.

د ۱۹۹۹ميلادي کال د اکتوبر د مياشتي پر ۱۷ نېټه د پاکستان پوځي ديکتاتور پرويزمشرف د هندوستان سره د ګډې پولي څخه د پاکستاني پوځ په شمير کي د راکمېدو اعلان وکړ.

اژانسونه/ سيد رياض

کتونکي:نجيب الله زيارمل