1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاريخ کي

نن د یکشنبې ورځ، د اکتوبر د میاشتي ۱۶مه نیټه او د ۲۰۱۱م کال ۲۸۹ ورځ ده. د کال پای ته ۷۶ ورځي پاته دي.

default

په تاریخ کې د نن ورځې مهمې پیښې:

د ۱۹۱۶ميلادي کال په همدي ورځ مارګریټ سانګر د نیویارک په ښار کي د زوکړي د کنترول لومړنی کلینيک پرانیست.

د ۱۹۴۹ميلادي کال د اکتوبر پر شپاړسمه نیټه د ختیځ آلمان نوي دموکراتیک دولت په رسمي توګه د پخواني شوروي اتحاد سره ډيپلوماتیکي اړیکي ټینګي کړې.

د ۱۹۵۷ميلادي کال په ننۍ ورځ د امریکا د متحده ایالاتو د بهرنیو چارو وزیر، جان فوستر ډیلیس، پخواني شوروي اتحاد ته خبرداری ورکړ، چي که چیري دوی پر ترکيې برید وکړ نو د امریکا د متحده ایالاتو له لوري به د پوځي برید سره مخامخ سي.

د ۱۹۶۲ميلادي کال په دغه ورځ په کیوبا کي د میزایلو پر سر شخړه هغه وخت راپورته سوه، کله چي د امریکا د متحده ایالاتو ولسمشر په دې خبر سو، چي کشفي انځورونو په کیوبا کي د روسيې د میزایلو د اډې شتون په ګوته کړی.

د ۱۹۶۴م کال د اکتوبر پر ۱۶مه چین خپل لومړی اتومي ازموينه وکړه.

د ۱۹۷۰ميلادي کال په ننې ورځ ، انور سادات، د مصر د ولسمشر په توګه وټاکل سو. تر هغه د مخه جمال عبدالناصر د مصر ولسمشري پر غړه لرله.

د ۱۹۸۷ميلادي کال پر همدغه ورځ د ټیکساس په میډلنډ ښار کي ژغورونکو تر ۵۸ساعتونو وروسته یوه ۱۸میاشتنې ماشومه چي په کوهي لویدلې وه وژغورله.

د ۱۹۹۲م کال پر همدي ورځ د ګویتامالا اصلي اوسیدونکي ریګوبیرتا مینچو، د سولې د نوبل جایزې د ګټونکي په توګه اعلان سو.

د ۱۹۹۴م کال د اکتوبر په ۱۶مه نیټه په آلمان کي د هیلموت کول په مشري دولت په انتخاباتو کي بریالی سو.

د ۲۰۰۶م کال په ننې ورځ تامل پړانګانو په سري لنکا کې د پوځیانو د کتار سره یو سرویس موټر، چي چاودیدونکي توکي پکښي ځای پر ځای سوي ول وجنګاوه چې په ترڅ کې یې ۹۳تنه سرتیري ووژل سول.

اژانسونه/ سیدریاض

کتونکی: نجيب الله زيارمل