1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ځانگړي مطالب

نن په تاريخ کي

نن د يکشنبې ورځ، د اکتوبر د مياشتي ۹مه نيټه او د ۲۰۱۱م کال ۲۸۲ ورځ ده. د کال پای ته ۸۳ ورځي پاتي دي.

default

په تاريخ کي د نن ورځي مهمي پيښي:

 

د ۱۵۹۵ ميلادي کال په دغه ورځ کامبريا او فرانسه د هسپانيي لاس ته ورغلې.

 

د ۱۷۶۰ کال د اکتوبر د مياشتي پر ۹ نېټه روسانو برلين په خپل ولکه کي راوست.

 

د ۱۸۰۶ ميلادي کال د اکتوبر پر نهمه، پرويسن د فرانسي سره د جګړې اعلان وکړ.

 

د ۱۹۳۴ ميلادي کال په دغه ورځ، د يوګوسلاويا پاچا، الکسندر اول، او د فرانسې د بهرنيو چارو وزير، جين لويس بارتو، په فرانسه کي د يو کرواټ، مخبر له خوا ترور سول.

 

د ۱۹۶۳ ميلادي کال د اکتوبر د مياشتي پر ۹ نېټه د يوګڼدا پخوانی زور واک، موتسا دوهم، د يوګنډا لومړی ولسمشر سو.

 

د ۱۹۸۱ کال په دغه ورځ د اسرائيلو لومړی وزير، ميناشيم، د مصر د ولسمشر، انورسادات، د جنازې په مراسمو کي د ګډون لپاره د قاهرې پر لور وخوځيد.

 

د ۱۹۸۷ ميلادي کال د اکتوبر د مياشتي پر نهمه نېټه، د افغانستان په پلازمېنه کابل کي د يو جومات تر څنګ په يو موټر کي ځای پر ځای سوي چاوديدونکي توکي وچاوديدل، چي په پايله يي کي ۲۷ تنه ووژل سول او نور ۳۵ تنه ټپيان سول.

 

د ۱۹۹۲ ميلادي کال په دغه ورځ، د ملګرو ملتونو د امنيت شورا پر بوسنيا باندي د هر رنګه پوځي الوتنو د بنديز لپاره رايه ورکړه او هلته يې د هوايي قلمرو يوه ساحه د الوتنو د بنديز لپاره وټاکله.

 

د ۱۹۹۶ ميلادي کال په دغه ورځ د افغانستان ړنګ سوي رژيم ته وفادارو پوځيانو د طالبانو د پرمختګ مخه ونيوله.

 

د ۱۹۹۷ ميلادي کال د اکتوبر د مياشتي پر ۹ نېټه په مکيسکو کي د سختو طوفانونو له امله ۲۴۹ تنو انسانانو خپل ژوند له لاسه ورکړی.

 

د ۲۰۰۶ ميلادي کال په دغه ورځ د ملګرو ملتونو د امنيت شورا په رسمي توګه د جنوبي کوريا د بهرنيو چارو وزير، بان کي مون، د ملګرو ملتونو د عمومي مشرپه توگه و نوماوه.

 

اژانسونه/ سيد رياض

کتونکي: نجيب الله زيارمل