1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

ننگرهار کي د ماين چاودني لس تنې نجوني ووژلې

د ننگرهار ولايت په چپرهار ولسوالۍ کي د يوه ماين په چاودنه کي لس تنه کوچنيان وژل سوي دي او دوه تنه نور ټپيان سوي دي. پيښه نن د دوشنبې په سهار رامنځ ته سوې ده.(انځور د یوې بله پيښي دی)

Afghans pray for victims killed from a mine explosion in Chaparhar, Nangarhar province east of Kabul, Afghanistan, Monday, Dec. 17, 2012. An exploding bomb or land mine killed several young girls as they were gathering firewood outside their village in the east of the country. (Foto:Rahmat Gul/AP/dapd)

Afghanistan Nangarhar Mine Mädchen Begräbnis

د ننگرهار ولايت د امنيې قومندانۍ وياند غلام حضرت مشرقيوال، په سيمه کي د دويچه ويله خبريالي ته وويل، چي د دغه ولايت د چپرهار ولسوالۍ د دولتزو په سيمه کي د نامعلومو کسانو له خوا په وښو کي يو ماين ايښوول سوی وو او هغه مهال وچاودېد چي د ماشومانو له خوا په کاڼو وويشتل سو.

د ننگرهار ولايت د عامي روغتيا چارواکي وايي، چي دوی ته د پيښې له ځايه درې تنه کوچنيان وروړل سوي ول، چي وروسته ئې په روغتون کي سا ورکړه.

بله خوا بيا د چپرهار ولسوالۍ ولسوال محمد صديق دولتزي د فرانسې خبري آژانس ته ويلي دي، چي پيښه هغه مهال رامنځته سوه کله چي سهار وختي کوچنيانو په سيمه کي د اور له پاره بوټي ټولول.

د وژل سوو کوچنیانو د جنازې مراسم

د وژل سوو کوچنیانو د جنازې مراسم

د دولتزي په خبره ماين هغه مهال وچاودېد چي يوه کوچني په تبر باندي وواهه. د ماين ښخولو پړه تر اوسه پوري چا پر غاړه نه ده اخيستې.

د هغه په خبره دغه ماين په افغانستان کي د شوروي د اشغال له دورې څخه پاته وو.

د ملگرو ملتونو د معلوماتو له مخي په ۱۹۸۹ کال د شوروي ځواکونو تر وتلو وروسته په افغانستان کي نزدې ۷۰۰۰۰۰ ماينونه او ۱۵ ميليونه نور چاودېدونکي توکي له منځه وړل سوي دي.

د نړيوالو له تلاښونو سره سره چي غواړي افغانستان له ماينونو څخه پاک کړي، بيا هم دغه هيواد د هغو هيوادونو په سر کي راځي چي ډير ماينونه پکښې ښخ دي.

په دې وروستيو کي په افغانستان کي د ماين چاودني پيښي ډيري سوي دي او د ډيرو خلکو ژوند ئې اخيستي دئ.

د نوامبر د مياشتي پر ۱۱ نېټه په خوست کي د يوه ماين په چاودنه کي د يوې کورنۍ پنځه تنه غړي ووژل سول.

دغه راز د نوامبر د مياشتي پر ۱۶ نېټه په فراه ولايت کي د واده یو موټر د سړک د غاړي پر يوه ماين وخوت او د ښځو او ماشو مانو په گډون نزدې ۳۰ تنه پکښې مړه او ټپيان سول.