1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

ناټو غواړي دنه اټکل کيدونکي دښمن په مقابل کي مسلحه سي

ناټو لا تر اوسه پوري هم په اساسي ډول د يوه متداول جنګ درامنځته کيدو په صورت کي د خپلي سيمي د دفاع په خاطر په وسلو سنباله ده، خو دغه خطر په حقيقت کي اوس وجود نه لري

default

ناټو د ساړه جنګ د پوره کيدو څخه لس کاله وروسته يعني په 1999 ميلادي کال کي خپله د تر اوسه پلې ستراتيژي غوره کړه. ناټو ولي يوې نوي تګ لاري ته اړتيا درلوده ؟ په بروکسل کي د اروپا د مطالعاتي مرکز د امنيتي چارو د کارپوه رونالډ فروينډن شټاين په اند ناټو لا اوس هم پرزړو کته ګوريو فکر کوي.

« ناټو لا تر اوسه پوري هم په اساسي ډول د يوه جنګ د ګواښ په صورت کي د خپلي سيمي د دفاع په خاطر په وسلو سنباله ده، خو دغه خطر په حقيقت کي اوس وجود نه لري.»

د فروينډن شټاين په نظر ناټو نوو خطرونو لکه د انټرنټي ترهګري، د کيميايي وسلو د بريدونو او د بې ثباته هيوادونو، چي نړۍ د خطر سره مخامخ کوي، همدا راز د راکټي بريدونو او د اټومي وسلو په مقابل کي يوازي يو ناکافي ځواب لري . او دا تر ټولو ډير د عسکرو لپاره خراب عواقب لري .

« ددي معنا داده چي موږ يوه داسي پوځ ته اړتيا لرو چي هغه د اړيکو نيولو په عصري لوازماتو سنبال وي . او ددې وړ وي چي په چټکۍ سره د يوه ځای څخه بل ځای ته واستول سي. او دا يو مسلکي پوځ وي . »

جمهورريس بارک اوبا ما د ناټو په سرمشريزه کښي

جمهورريس بارک اوبا ما د ناټو سرمشريزي ته د راتګ پر وخت

خو يوازي عسکر او د هغوی د وسلو تغير کفايت نه کوي . د ناټو د عمومي منشي اندرس فوګ راسموسن د راکټونو ضد د دفاعي سسټم جوړولو ته هم د ناټو د نوي ستراتيژۍ د برخي په سترګه ګوري . د اکتوبر په مياشت کي په بروکسل کي د ناټو د دفاع او بهرنيو چارو د وزيرانو په جرګه کي راسموسن د خپلو متحدينو څخه هيله وکړه چي هغه پروژې چي يو څه لانجه مني دي، ناکامۍ ته يي پرينږدي .

« زه ددې غونډي څخه د راکټانو ددفاعي سسټم په اړه د يوې پريکړي انتظار لرم . دا به ددې ښکارندوی وي، چي موږ د سپما په دغه وخت کي هم خپل دفاعي ظرفيتونه لوړولو ته اماده يو.»

د روسيې سره د راکټانو ضد د دفاعي سسټم په مورد کي يوازي د مصرف موضوع شخړايزه نه ده، بلکي دا هم نه ده واضح چي روسيه به همکاري وکړي او که نه . په بروکسل کي د المان د بهرنيو چارو وزير ګيډو ويسټرويله دا وړانديز چي په المان کي د راکټانو د فاعي سيسټم او د اتومي وسلو د خلع سلاح موضوع سره يو ځای کړي، ونه منل شو.

Nato Rasmussen Russland

فرانسه هم نه غواړي چي خپلي هستوي وسلې قرباني کړي . ځکه چي فرانسه فکر کوي چي په دې سره به خپل نفوذ او حيثيت د لاسه ورکړي . نو په دي ډول به د اټومي وسلو څخه د پاکي نړۍ هدف ، څنګه چي بارک اوباما هم تشريح کړی ؤ، يو د ليرو هدفونو په ډول پاته شي . او د ناټو پر نوې تګ لاره به کومه مستقيمه اغيزه ونه لري .

کريستوف/ بريښنا صابر

کتونکی : محمد قاسم نوري