1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

نايجريا ته د آلمان د بهرنيو چارو د وزير سفر

د آلمان د بهرنيو چارو وزير فرانک والترشتاينماير، نايجريا ته سفر کړی دی. له خپل فرانسوي سيال فابيوس سره په گډه شتاينماير په پلازمينه ابوجا کې له حکومتي استازو او د لوېديځي افريقا دولتونو له اقتصادي ټولني سره ملاقات لري.

د آلمان او فرانسې د بهرنيو چارو وزيران، فرانک والتر شتاينماير او لاورنت فابيوس غواړي چې نايجريا ته د خپل دې سفر په ترڅ کې د سيمې د امنيتي او د ايبولا ناروغۍ د وضعيت په هکله د لومړي لاس معلومات تر لاسه کړي.

نايجريا نه يووازي د نفوس له لحاظه، بلکي د طبيعي شتمنۍ او اقتصاد له لحاظه د افريقا د پياوړو هيوادونو له جملي څخه شميرل کيږي. دغه هيواد له کلونو راهيسي د بوکو حرام ترهگري ډلي له خونړيو حملو څخه ځوريږي.

په ښونځيو، بازارانو، کليسياو او د پوليسو پر ماموريتونو باندي د بريدونو له امله په تيرو څو کلونو کې په زرونو خلکو خپل ژوند له لاسه ورکړی دی.

په خاصه توگه د بوکو حرام له خوا شپږ مياشتي دمخه په نايجريا کې د ښونځيو نژدې ۲۰۰ نجوني اختطاف ټولي نړۍ ته تکان ورکړ.

د ترهگرۍ پرضد پريکړن اقدام

د آلمان د بهرنيو چارو وزير شټاينماير تر خپل سفر لږ دمخه په برلين کې وويل: «د بوکو حرام د ترهگرۍ پرضد د ناجيريا مبارزه بايد زموږ د ټينگ ملاتړ څخه برخه من وي. د سوسيال ديموکرات دغه سياستوال يادونه وکړه: «په سيمه او د نايجريا تر سرحد دباندي ترهگري د يو پريکړن او همغږي اقدام غوښتنه کوي.»

دغه راز د ايبولا ساري ناروغي هم نايجريا اغېزمنه کړي وه. په تيرو اونيو کې هلته د دغي ناروغې تقريقاً ۲۰ پيښي تشخيص شوي وې. خو اوس ويل کيږي چې دغه هيواد له دغي ناروغۍ څخه ژغورل شوی دی. خو د ايبولا وايروس په لويديځه افريقا کې د خپريدو په حال کې ده.

شټاين ماير وويل: «نايجريا وتوانيده چې په برياليتوب سره د دغي ناروغۍ د خپريدو مخه ونيسي.» هغه يادونه وکړه: «موږ به په دې هکله خبري وکړو چې په دې برخه کې په گډه نور څه کولای شو، څو په اغېزمن شوو هيوادونو کې د ناروغانو درملنه وشي، پر دغه وايروس لاس برتوب وموندل شي او د هغه د خپريدو مخنيوي وشي.»

شټاينماير په لومړي سر کې فرانسې ته ولاړ، څو له خپل فرانسوي سيال سره يو ځای د نايجريا پلازمينې ابوجا ته سفر وکړي. په تيرو مياشتو کې دغو دواړو وزيرانو يو شمير هيوادونو ته په گډه سفر کړی دی.

دغه راز تيره اونۍ دويچه ويله د نايحريا په بل ستر اقتصادي ښار، لاگوس کې د خپلو رسنيو يو دفتر پرانيست. دغه دفتر به د لوېديځي او ختيځي افريقا د پيښو او تحولاتو په هکله د خپلو خبريالانو د رپوټ ورکولو د همغږۍ دنده پر غاړه ولري.