1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

ناتو په ګرجستان کي پوځي آزمويني پيل کړی روسيه هغه ښکاره لمسوني بولي

د روسیی جمهور رییس: «هيڅ وخت په داسي ځاي کښي بايد نظامي تطبيقات او مانورې تر سره نسي، چی همدا لږ موده مخکي هلته جنګ ؤ. دا هيڅ د منلو وړنده .»

د روسيي جمهور رييس ميدويديف

د روسيي جمهور رييس ميدويديف

د ناټو هيڅ يوه پوځي تطبيقاتو مخکي له مخکي دا ډول سياسي جنجال نه ؤ راپيدا کړي ،لکه دغه . د سولي او همکارۍ په چوکاټ کي تطبيقات چه په هغه کښي تر لسو ډيرو د ناټو او غير ناټو د هيوادو څخه ۲۰۰۰ عسکر له ثقيلو وسلو څخه پرته، برخه اخلي . خو هغه بيا پداسي يوه هيواد کښي تر سره کيږي چی يو کال يې لا د جنګ څخه نه تيريږي . څو ورځي مخکي د روسېې جمهوررييس ميدويديف وويل: «هيڅ وخت په داسي ځاي کښي بايد نظامي تطبيقات او مانورې تر سره نسي، چی همدا لږ موده مخکي هلته جنګ ؤ. دا هيڅ د منلو وړنده . »

دا خبره په حقيقت کي درسته هم ده . د تيرکال د اګست د جنګ تصاويرچی په هغه کښي خلګ مړه او زخميان سول ،کورونه ونړيدل ،او موټران خراب سول ، د ټولوپه ياد دي .

اوس هم د شپې لخوا په غير ثابتوسرحدونو کښي د ګرجستان او جلاسوو جمهورريتو، جنوبي اوستیا اوابخازيا تر منځ ډزی او نښتي رامنځته کيږي .

خو داچی د روسيې، ګرجستان او ناټو تر منځ يوازي د پوځي تطبيقاتو د ښه والي يا خرابوالي تر موضوع نوري موضوعګاني هم سته ،نو هغه د تراوسه عکس العملو څخه معلوميږي . د مې د مياشتي په شروع کي د روسېې او ناټو د لوي درستيزانو ليدنه کتنه نه تر سره کيږي . روسېې همدارنګه د خپلو متحدينو څخه وغوښتل چی په پوځي تطبيقاتو کي برخه وانخلي ،چی په نتيجه کښي قزاقستان ،صربستان او ملداويا په نظامي تطبيقاتو کي د نه ګدون اعلان وکړ .

ناټو د خپله طرفه دوه روسي مخبرين د غير مناسبو اشخاصو په حيث اعلان کړل ، چی بل مقابل بيا د روسيې خارجه وزير لاوروف د ناټو د خارجه وزيرانو سره په پلان سوې ليدنه کتنه کي د نه ګډون اعلان وکړ.

داچی روسيې په رسمي ډول د ابخازيا او جنوبي اوستیا د سرحدونو دفاع پر غاړه اخيستې ده ،هم د دواړو خواوو ډيپلوماتيکي تشنج په له منځه وړلو کښي کومک نه کوي .

پوځي آزمويني او که رښتيا هم لمسونی؟

پوځي آزمويني او که رښتيا هم لمسونی؟

ميدويديف بيا وايي :

«که زموږ غربي انډيوالان موږ د هغوی په مقابل عمل قانع کول هم غواړي ، خو د 6 د مې څخه د جون تر لومړی پوري پلان سوي نظامي تطبيقات په ښکاره ډول تحريکات دي . »

دغه تطبيقات به د ګرجستان جمهوررييس ساکاشويلي ته جرأت ورکړی ، تر څو بيا مجهز سي ، او جنګ شروع کړی . دهغه څخه چی جنوبي اوستیا او ابخازيا بيره لري . »

په تفليس او ناټو کي هم اوس د تحريکاتو څخه خبري کيږي . د ګرجستان سره په سرحد کي د نورو روسي قواوو ځاي پر ځاي کيدل د شپږ فقره اي پلان څخه يوه ښکاره تيري دی ،چی د همدغه پلان له مخي بايد يوه دايمي سوله رامنځته سوې واي .

کريستينا نا ګل/ قاسم نوري

کتونکي: عبدالباري حکيم