1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

م م: د سیمه ایزو پولیسو په لیکو کي پر ماشومانو تیری کیږي

د ملګرو ملتونو د بشري څانګې یو راپور کاږي چې د افغانستان په یو شمیر سیمو کې کم عمرې ماشوم د سیمیزو پولیسو په لیکو کې په دندو ګمارل سوي دي.

default

په راپور کې له دغو ماشومانو څخه جنسي کار اخیستلو ته اشاره سوي او پر افغان دولت او ناټو غږ سوی چې د دغه بحران مخه ونیسي. د ملګرو ملتونو د بشرې څانګې د راپور ورکولو برخې ( ایرن) له کم عمره ماشومانو څخه د سیمزو پولیسو پر لیکو کې جنسې ګټه اخیستنه یوه جدې ستونزه بولي.

په رپوټ کې دا هم راغلي چې د وسله والو له لوري د کم سنو ماشومانو د جنسې کار اخیستلو ډیری پیښې د ملک په هغو سیمو کې رامنځ ته کیږي په کومو کې چې د حکومت ولکه ډیره کمزوري ده. د بشر د حقونو مدافع ډلو له ناټو او افغان دولت څخه غوښتي چې د دغسې ستونزو د رامنځ ته کیدو څخه د مخنیوي لپاره د وسله والو چریکانو پر ځای پر افغان ملي پولیسو او ملي اردو پانګونه وکړي.

افغان دولت تیر کال د امریکایې مشاورنیو په همکارۍ د زور پالو د بغاوت د کرارولو لپاره د سیمزو پولیسو په رامنځ ته کولو پیل کړل. خو اوس د کورنیو چارو وزارت ویاند زمری بشري وایې چې دوي د سیمیزو پولیسو د ګمارلو لپاره یو لړ معیارونه لري او هغه کسان د محلي پولیسو لیکو ته مني چې عمرونه یې تر ۱۷ کالو کم نه وي.

«د کورنیو چارو وزارت دا موضوع له نږدې څيړې چې ایا کم عمرې ماشومان د سیمزو پولیسو لیکو ته جذب سوي که څنګه، مونږ پلټني کوو چې دغه راپور د افغانستان په کومو ساحاتو کې جوړ سوی، تر څو موږ وګورو چې ایا په دغو سیمو کې په ریښتیا هم کم عمرې ماشومان د سیمیزو پولیسو په چوکاټ کې سته که څنګه».

د کورنیو چارو وزارت په چوکاټ کې تر اوسه پوري په زرګونو تنه د محلې پولیسو په توګه دندو ګمارل سوي. د کورنیو چارو وزارت د ملک په امنیت کې د سیمیزو پولیسو رول ډیر اغیزناک بولي.

تر اوسه پوري د افغانستان په یو شمیر محدودو ولایتونو کې محلي پولیس په دندو ګمارل سوي دي. دغه سرتیري له ملي پولیسو سره له نږدې همکاري کوي، معاش او وسلې یې د حکومت پر غاړه دي او مشري یې د سیمیزو پولیسو د مشرتابه له لوري کیږي.

د افغانستان د بشرد حقونو خپلواک کمیسیون هم د محلي پولیسو په لیکو کې په کم عمرو ماشومانو د جنسي تیري رپوټونه مني. دغه کمیسیون وایې چې په دې اړه یې مستند شواهد را ټول کړي دي او هغه یې له افغان دولت او په دغه هیواد کې د ملګرو ملتونو سازمان له سیاسي نمایندګۍ سره شریک کړي دي.

ميرويس جلالزی / کابل

کتونکی: احمدولي اڅکزی