1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

مېرکل له گاونډي هېواد پولينډ څخه کتنه کوي

د آلمان لومړۍ وزيره انگلا مېرکل د يو دوه ورځني سفر په ترڅ کې پولينډ ته ځي. مېرکل غواړي چې د پولينډ او آلمان تر منځ خړې پړې اړيکې ښې کړي. د نوموړي هېواد د حکومت استازو په دې ټينگار وکړ چې کړکيچن موضوعات بايد حل شي.

د آلمان او پولينډ تر منځ اړيکې خړې پړې شوي دي

د آلمان او پولينډ تر منځ اړيکې خړې پړې شوي دي

په دې لړ کې د هغو آلمانانو غوښتنې راځي چې يو څو لسيزې وړاندې له پولينډ څخه شړل شوي وو او همدارنگه د آلمان او روسيې تر منځ پلان شوې د تېلو نلليکه. مېرکل همداراز غواړي چې د اروپايي ټولنې د اساسي قانون د مسودې دپاره اعلان وکړي. پولينډ دغه مسوده په همدې بڼه تر اوسه پورې نه مني. د خبرو اترو يوه بله موضوع د امریکايانو هغه پلانونه دي چې غواړي د توغنديو يو دفاعي سيستم رامنځته کړي چې يوه برخه يې د پولينډ په خاوره کې هم لگول کېږي.