1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

ميرکل د اسراييلو څخه د ګذشت او تيريدو غوښتنه وکړل

د اسراييلو او فلسطنيانو تر منځ دسولي خبري بيا پيل سويدي . د همدې کبله انګيلا ميرکل په اوسني وخت کښي د خبرو اترو دپاره يو ښه چانس ويني ، پدې شرط چه دواړه اړخونه يوڅه سره وښوريږي ...

انګيلا ميرکل او بينيامين نيټانياهو په ګډمطبوعاتي کنفرانس کښي

انګيلا ميرکل او بينيامين نيټانياهو په ګډمطبوعاتي کنفرانس کښي

د اسراييلو صدراعظم بينيامين نيټانياهو چه نن لا په جرمني کښي دی،د جرمني د صدراعظمي انګيلا ميرکل اوخارجه وزير فرانک والټر سټاين ماير سره يې وکتل .

انګيلا ميرکل د اسراييلود صدراعظم بينيامين نيټانياهو څخه دا وغوښتل چه د فلسطنيانو پر ځايونوباندي دکورونو د جوړولو لړۍ ودروي ، چه دا د دوو دولتو د جوړولو په لار کښي يو مهم قدم دی .

دا اضافه کوي ،« دټولو دمخه بايد دې ته ډيره پاملرنه وسي چه د فلسطنيانو د يو خپلواک دولت دجوړولوچانس د اسراييلي ناقلينو دپاره د کورونو جوړولو د پروسې قرباني نسي . »

دجرمني صدراعظمي انګيلا ميرکل تر خبرو اترو وروسته په مطبوعاتي کنفرانس کښي پورتنۍغوښتني په تکرار سره تاييد کړې،چه هغه د امريکا د منځني ختيز دسياست سره پوره سمون لري . د اسراييلو صدراعظم پدې هکله کومه مشخصه وعده ور نکړل، خو ددوو خپلواکو دولتود جوړولو د حل موضوع يې ومنل ، ليکن پدې شرط چه فلسطنيان اسراييل په رسميت وپيژني .

دی وايی ،« ما د جرمني د صدراعظمي انګيلا ميرکل سره پدې هکله خبري وکړې، خپل نظر مي ورته بيان کۍ ، دا مي هم ورته وويل چه ددغه کړکيچحل پکار دی، او زموږ دخوا مي د کړکيچ د سوله ايز حل ټکي پدې ډول بيان کړل : ديوه غير مسلح فلسطيني دولت جوړول ، چه هغه اسراييل په رسميت وپيژني . »

دجرمني وزير سټاين مايراود اسراييلو صدراعظم نيټانياهو

دجرمني وزير سټاين مايراود اسراييلو صدراعظم نيټانياهو

دی وايي چه زموږ حکومت پدې هکله لمړني قدمونو پورته کړيدي ،تر څود فلسطنيانوپه ژوند کښي سهولتونه رامينځ ته سي .

په اشغالي فلسطيني سيمو کښي د سړکانو اواقتصادي محاصره ليری سوې ده . په تيرو څلورو مياشتو کښي زما د حکومت له اړخه همدغه کارونه تر سره سويدي . زه دې ته تيار يم او وم چه ، بيله قيدو شرط څخه د فلسطنيانو د مشر تابه (نه د حماس ) سره ليدنه کتنه وکړم ،تر څوددغو مساييلو د حل لاري پيدا کړو .

د جرمني صدراعظمي انګيلا ميرکل د اسراييلو د صدراعظم سره د ايران د اټومي پروګرام په باب هم خبري وکړې .چه دهغه څخه اسراييل ځان په خطر کښي ويني . د جرمني صدراعظمي انګيلا ميرکل پدې اړه وويل چه دG8 هيوادوپيشنهادونه اوس هم د ايران د اټومي پروګرام په باب موجود دي .

دا وايی ، «که چيري پدې هکله يوه مثبته نتيجه را منځ ته نسي نو بيابه موږ د سختوتدابيرو په باب فکر وکو . او نه يوازي فکر ، بلکه په نړيواله سطح د هغه د عملي کولو لاري چاری هم پيدا کو » .

ويرک هويزر/ ګرديوال

کتونکی : محمد قاسم نوري