1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

مهاجر له ښوني او روزني سره ډیره لېوالتيا ښيي

ډیر وخت دا یوه معما وه، چي څوک د یوه مهاجر په توگه جرمني ته راځي او ولي راځي؟ اوس یو نوی رپوټ ښيي چي د پناه غوښتونکو په منځ کي تعلیمي سطح کاملأ متفاوته ده. خو په عمومي ډول یې سطحه لوړه ده.

جرمني ته راغلي مهاجر څوک دي او د ښه داغام له پاره یې څه ډول مسلکي او تعلیمي سندونه له ځانو سره راوړي دي؟ د دې پوښتني په هکله په تیرو میاشتو کي ‌ډیر اټکلونه وسول. خو د کار بازار او مسلکي تحقیقاتو انستیتوت(IAB ) په مشرئ یوه تازه نظر پوښتنه غواړي اوس په دې هکله په بحثونو کي شفافیت رامنځته کړي.

په همدې خاطر په تیرو میاشتو کي د شاوخوا ۲۳۰۰ مهاجرو څخه پوښتني وسوې، چي عمرونه یې تر ۱۸ کلونو لوړ وه. د نوي رپوټ مهم پیغام دا دی، چي د مهاجرو یوه لویه برخه ښه مسلکي کسان دي او همدارانگه هغه کسان چي کښته تعلیمي درجه لري، هم له ښووني او روزني سره ډیره ليوالتيا ښيي.

د تعلیم بېلابېلي درجې

د دغي نظرپوښتني په جریان کي څیړونکي دې نتیجې ته رسیدلي دي، چي هغه کسان چي له ۲۰۱۳ م کال راهیسي جرمني ته مهاجر سوي دي، ډیري زیاتي متفاوتي تعلیمي درجې لري. څیړونکي حتی د هغوی د تعلیمي سطحي د دوه قطبي خبره کوي. د مثال په ډول د یوه گروپ تعلیمي سطحه ډیره لوړه او د هغې بلي ډلي دا ډیره کښته ده.

څوک پناه غواړي

د هغوی د تعلیمي شرایطو پر توپیر سربیره څیړونکي په عمومي ډول په هغوی کي د ښوني او روزني سره لېوالتيا ډیره لوړه بولي. د مثال په ډول ۴۶ سلنه مهاجر غواړي په جرمني کي خپل مکتبونه پای ته ورسوي. ۶۶ په نظر کي لري ، چي یوه مسلکي زده کړه وکړي او ۲۳ فیصده حتی کوښښ کوي، چي پوهنتونونه ووايي.

داچي دغه مسلکونه به څه وخت په اصطلاح ثمره ورکړي او کارونه به د خپل مسلک او تحصیل سره سم پیدا کړي، څیړونکي په هغه باندي سم نه پوهیږي. خو د کار بازار او مسلکي تحقیقاتو انستیتوت(IAB) څخه د پروفیسر هیربرت بریوکر په نظر د پخوانیو تجربو څخه دومره معلومه ده، چي د مهاجرت تر راتگ درې کاله وروسته څه ناڅه ۳۰ سلنه مهاجر کارونه پیدا کوي او تر پنځو کلونو وروسته بيا دغه سلنه پنځوسو ته رسيږي.

نور مطالب:

DW.COM