1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

مهاجرين بايد په آلمان کي د هويت کارت ولري

تر دې وروسته به په آلمان کي ټول سياسي پناه غوښتونکي او مهاجر راجستر کيږي او هر ځای چي اړتيا وي بايد خپل هويت وښوولای سي. د آلمان پارلمان پتېيلې ده چي د پنجشنبې په ماښام په دې اړه يو قانون تصويب کړي څو نيمگرتياوي کمي سي.

د دغه قانون اصلي موخه د مهاجرو له پاره د يوه کاغذي هويت کارت جوړول دي چي لاس نه سي پکښي وهل کيدای. په دغه کارت کي به نه يوازي نوم، تخلص، د زېږېدو نېټه، د زېږېدو ځای، مليت او جنسيت، بلکي يو عکس، د وني اندازه د سترگو رنگ او يوه شمېره هم ثبت وي.

هر مهاجر او سياسي پناه غوښتونکی بايد دغه سند هر وخت له ځان سره ولري، چي د راجستر پرمهال خپل هويت و ښوولای سي، څو مامورين هرځای د هغوی په پېژندلو وتوانيږي.

که چيري دغه سند له يوه مهاجر سره نه وي هغه د مهاجرو له حقوقو څخه نسي برخمن کيدای.

دغه سند به د آلمان د مهاجرو او پناه ورکولو فدرالي اداره (Bamf) ورکوي. سند به حداکثر شپږ مياشت اعبار ولري او د درو نورو مياشتو له پاره به د تمديد وړ وي. امکان لري چي د دغه سند د ورکولو کار د روان کال په فيبرورۍ مياشت کي پيل سي او د کال تر نيمايي پوري تقريباً ټولو ته ورکړل سوي وي.

پر دې سربيره به د هر مهاجر، سياسي پناه غوښتونکي او يا غير قانوني مهاجر نور معلومات، لکه د گوتي نښانه، د پناه غوښتني دوسيه او په آلمان کي اړيکي هم ثبتيږي. پر دې سبيره بايد د صحي ماينات او واکسين کولو نېټې هم ثبت وي.

د دې قانون په جوړولو سره حکومت ډېر هدفونه لري: هغه مهاجر چي په آلمان کي ئې ځانونه نه دي ثبت کړي د امنيتي دلايلو له کبله ئې بايد شمېر کم سي. په دې سره به پر هغو کسانو هم کړۍ تنگه سي چي د خپل هويت په اړه درواغ وايي او دوه ځايه راجستر کول به پای ومومي.

DW.COM