ممنون حسن د پاکستان نوی ولسمشر سو | سيمه | DW | 30.07.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سيمه

ممنون حسن د پاکستان نوی ولسمشر سو

پخوانی پاکستانی سیاستوال او د نوازشریف اعتمادي کس ممنون حسين، د پاکستان د ولسمشر په توگه ټاکل شوی دی. هغه د پاکستان په پارلمان او ایالتي شورا گانو کې ټول ټال ۴۳۲ رایې گټلې دي.

Pakistan candidate for the upcoming presidential election of the ruling Pakistan Muslim League-N (PMLN), Mamnoon Hussain arrives to submits his nomination paper at the High Court in Islamabad on July 24, 2013. Pakistan's Supreme Court on July 24 revised the date for the presidential election, asking the election commission to hold it on July 30 instead of August 6. The court made the order as many of the lawmakers who will elect a replacement for President Asif Ali Zardari will be paying pilgrimages or offering special prayers on August 6 for the Islamic holy month of Ramadan, which ends a few days later. AFP PHOTO /AAMIR QURESHI (Photo credit should read AAMIR QURESHI/AFP/Getty Images)

Mamnoon Hussain

۷۳ کلن حسين ممنون به د روان کال د سپتمبر میاشتې پر نهمه نېټه لوړه وکړي او په دې ترتیب سره به د اصف علي زرداري ځای ناستی شي.

د حسين ممنون پر وړاندي د تحریک انصاف گوند سیاستوال وجیه الدین احمد، هم د پاکستان د ولسمشرۍ له پاره خپل ځان نومولی وو. د نواز شریف پاکستان مسلم لیگ گوند په ۱۹۹۹ کال کې تر پوځي کودتا وروسته یو ځل بیا د روان کال په می میاشت کې واک ته ورسید.

د پاکستان د حکومت اپوزیسیون پاکستان پیپلز گوند، د ولسمشر د ټاکلو له پاره رای اچووني وختي لا بایکاټ کړي وې. خو د نواز شریف پاکستان مسلم لیگ گوند تر هغه مخکې هم د ټاکنو گټلو ډیر امیدوارۍ لرله.

د پاکستان ولسمشر د دغه هيواد د پارلمان او ایالتي شوراگانو د استازو له خوا ټاکل کیږي. د سه شنبې ورځي په ټاکنو کې حسين ممنون د ۴۳۲ رایو په ترلاسه کولو سره اکثریت رایې گټلي دي او په دې ترتیب سره د ټاکنو گټونکی شو.

حسين به د راتلونکو پنځو کلونو له پاره د پاکستان ولسمشر وي

حسين به د راتلونکو پنځو کلونو له پاره د پاکستان ولسمشر وي

حسین د پاکستان په پنجاب، سند او بلوچستان ایالاتونو کې ټاکنې په ډیري اسانۍ سره وگټلې خو هغه په خیبر پښتونخوا ایالت کې له ۱۱۰ رایو څخه یوازې ۴۱ رایې خپلې کړې. په عین حال کې ممنون حسين د پاکستان په پارلمان کې هم له ۳۱۱ رایو څخه ۲۷۷ رایې خپلې کړې.

حسين به د راتلونکو پنځو کلونو له پاره د پاکستان ولسمشر وي. کله چې هغه د ولسمشر په توگه وټاکل شو نو سمدستي یې د نوازشریف پاکستان مسلم لیگ گوند له غړیتوبه استعفأ وکړه.

حسين له ۱۹۶۰ کلونو راهیسې د نوازشریف گوند یو فعاله غړی وو. هغه د ۱۹۹۹ کال له جون مياشتي څخه تر اکتوبر میاشتې پوري د پاکستان د سند ایالت گورنر هم وو.

د ولسمشر په توگه د حسين د کار تر پیلیدو وروسته آصف علي زرداري د پاکستان د دولتي مشر په توگه خپل قانوني مصئونیت له لاسه ورکوي. له دغې دندې څخه تر گوښه کیدو وروسته د زرداري د محاکمه کیدو امکان هم شته ځکه پر هغه باندې یو شمیر تورونه لگېدلي دي.

په عین حال کې د زرداري پر حکومت باندې همداراز نیوکه کیږي چې د واکمنۍ پر مهال یې پاکستان له ډیرو ستونزو سره مخامخ شو. په دغو ستونزو کې اقتصادي کړکیچونه، د امنیت خرابیدل او د بریښنا تلل شامل دي.