1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

ملاله یوسفزی په ښه روغتیایي حالت کې ده

هغه ۱۴ کلنه پاکستانۍ نجلۍ چې د طالبانو له خوا پر سر او غاړې وشتل شوې وه اوس په ښه روغتیايي حالت کې ده.

دغه نجلۍ ملاله یوسفزی نومیږي چې تیره ورځ د پاکستاني ډاکټرانو له خوا عملیات شوه. تر عملیات وروسته د هغې ډاکټرانو اعلان وکړ چې عملیات بریالی وو او ملاله په ښه روغتیايي حالت کې ده.

ملاله یوسفزی د پاکستان په سوات سیمه کې اوسیده او د طالبانو پر بریدونو باندې ئې نیوکې کولې. هغې همداراز د نجونو د زده کړې له پاره کمپاین کاوه.

طالبانو پر ملالې یوسفزی باندې د برید پړه پر غاړه اخیستې ده او ویلي ئې دي چې هر څوک چې د هغې پر پلونو قدم کیږدي نو ورباندې به برید وشي.