1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

محقق له يوه ځانمرگي بريده روغ رمټ وتلی دئ

په کابل کي يوه ځانمرگي بريد کوونکي د ځان په گډون درې تنه ملکي وگړي وژلي دي. بريد د پارلمان د يوه غړي د موټرو پر کاروان باندي ترسره سوی دئ خو هغه ته زيان نه دی رسېدلی.

Afghanistan security forces stand guard at the site of a blast near the Independent Human Commission Rights office in Kabul on June 18, 2013. A prominent Afghan lawmaker escaped a suicide attack on June 18, aides said, on the day that the handover of security from NATO to Afghan forces was to be announced. AFP PHOTO / Massoud HOSSAINI (Photo credit should read MASSOUD HOSSAINI/AFP/Getty Images)

Afghanistan Anschlag in Kabul

د کابل امنيتي چارواکو ويلي دي چي بريد د سه شنبې په ورځ (۲۰۱۳ کال د جون ۱۸) د بشري حقونو کمېسيون د دفتر مخ ته ترسره سوی دئ او د دغه دفتر کارکوونکو ته زيان نه دی رسېدلی.

د کابل د پوليسو په خبره بريد د پارلمان پر غړي محمد محقق تر سره سوی دئ خو هغه روغ رمټ دي او یوازي څو تنه ساتونکي ئې ټپيان سوي دي. ويل کيږي چي په بريد کي د پارلمان څو تنه غړي ټپيان سوي هم دي.

د بريد مسئوليت تر اوسه پوري چا پرغاړه نه دئ اخيستي.

دغه ځانمرگي بريد په داسي حال کي په کابل کي تر سره کيږي، چي نن افغان امنيتي ځواک ته د امنيتي مسئوليتونو د سپارلو وروستی پړاوو دئ.

افغان ولسمشر حامد کرزي په کابل کي د ناټو له عمومي منشي اندرس فوغ راسموسن سره په يوه غونډه کي د ټول هیواد امنيتي مسئوليت په رسمي توگه افغانانو ته وسپاره.

په دغه وروستي پړاو کي به د ۹۵ ولسواليو امنيتي مسئوليت له نړيوالو ځواکونو څخه افغان امنيتي ځواک ته وسپارل سي.

نړيوال ځواکونه به د پلان له مخي د ۲۰۱۴ کال تر پايه پوري له افغانستان څخه ووزي او له ۲۰۱۵ کال وروسته به په افغانستان کي يو بل نړيوال ماموريت پيل سي چي هدف به ئې د افغان امنيتي ځواک روزل او ملاتړ کول وي.