1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

لښکرگاه: یاغیانو پنځه ملکي افغانان وژلي دي

افغان چارواکو ویلي دي، چي یاغیانو په هلمند ولایت کې پنځه تنه ملکي وگړي، له دولت سره د همکاریو په تور وژلي دي. دغه پېښه د دوشنبې په ورځ د دغه ولایت په سنگین ولسوالۍ کي رامنځ ته سوې ده. د هلمند والي ویليٍ دي، چي تر څیړنو وروسته یاغیان په دې نه دي توانیدلي چي د هغو کسانو په کور کي چي دوی وژلي ول داسي کوم شواهد پیدا کړي، چي گويا هغوی له دولت سره مرسته کوله. ياغيانو هر وخت ملکي افغانانو ته کواښ کړی دئ، چې که له دولت سره همکاري وکړي، نو هغوی ته به سزا ورکړل سي.