1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

بشري حقونه

ليبيا: پررژيم نيوکي کونکي زنداني کيږي

د بشر د حقوقو د نړيوالې ټولنې هيومن رايټس واچ د څرگندونوله مخې، د ليبيا امنيتي دولتي ادارې محمد ادريس » بوفايد « چې د ليبيا د دولت د مشر معمر» القذافي « مخالف دی اونيوکې پرې کوي، له څه باندې يوې نيمې مياشتې راهيسې کوټه قلف کړيدی.

معمر » القذافي «

معمر » القذافي «

محمدادريس » بوفايد « په ١٩٨٢ ميلادي کال کې په ليبياکې د طب پوهنځی پايته ورسوی، له ١٩٩٠ ميلادي کال راهيسې يې په سويس کې د سياسي پناه غوښتونکي په توگه ژوندکوی او د ډاکټرپه توگه د کارکولوترڅنگ د اصلاحاتوملي ټولنه په نوم د ليبيايۍ اپوزيسيون ډلې مشر ؤ. د محمدادريس » بوفايد « د کورنۍ د څرگندونوله مخې، نوموړی د روان ميلادي کال د نومبر د مياشتې په ٥ نيټه، ليبياته د يوه سفرپه ترڅ کې، د ليبيايي امنيتي ادارولخواونيول شو اوله نيولوراهيسې يې د هستوگنې ځای معلوم ندی.

د معمر » القذافي « تش په نامه ژمنې
» بوفايد « په سويس کې تر ١٦ کلونوتبعيد وروسته د روان ميلادي کال د سپټمبر په ٣٠ نيټه بيرته ليبياته ستون شو. په تيروکلونوکې د ليبيا د دولت مشر معمر » القذافي « اونوروحکومتي جگپوړه چارواکو په ډاگه ژمنه کوله چې، د ليبياپررژيم انتقادکونکي پرته لدې چې کومه ستونزه ورته جوړه شي، بيرته ليبياته ستنيدلای شي. خو له محمدادريس » بوفايد « نه، ليبياته ترستنيدو وروسته، د امنيتي ادارولخوا څوځلې تحقيق وشو او دستور ورکړشوچې د روان ميلادي کال د نومبر د مياشتې په ٥ نيټه د طرابلس امنيتي ادارې ته حاضرشي. او لدغې نيټې راهيسې محمدادريس » بوفايد « زنداني دی او د حبس ځای يې نامعلوم.