1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

اروپا ته مهاجرت

له مهاجرو څخه عامو خلکو ته روغتايي خطر متوجه نه دی

جرمني ته د راغلو مهاجرو څخه د کارپوهانو په حواله عامو خلگو ته هیڅ روغتايي خطر متوجه نه دی. د ویورڅبورگ حاره اي طبابت کلینیک ویلي دي چي «ددې له پاره هیڅ علمي اسناد او شواهد وجود نه لري.»

دغه خبره د «ویورڅبورگ» ښار د حاره اي طبابت کلینیک د ساري ناروغیو له څانگي څخه «اوگوست سټیش» نن (پنجشنبه په ورځ د جون ۱۶ نیټه) وکړه.

د ده په خبره خو بیا هم د مهاجرو په منځ کي نسبت د جرمني اوسیدونکو ته د ساري ناروغیو خطر ډیر دی، حتی دا ډول ناروغۍ چي دلته پیژندل سوي نه دي: «خو موږ باید پرې نږدو، چي دا د ښی اړخي عوام پالو له پاره یوه موضوع وگرځي او د مهاجرو پر ضد یې استعمال کړي.»

د ویورڅبورگ حاره اي کلینیک له لسو کلونو راهیسي ددغه ښار د ۵۰۰ پناه غوښتونکو د یوې سرپناه، طبي پالنه کوي.

د خپلو تجربو پر اساس سټیش او د هغه ملگرو غوښتنه وکړه، چي د مهاجرو له راتگ سره سم باید د هغوی هراړخیزه طبي معاینات وسي.

په اوس وخت کي مهاجر له خپل راتگ سره سم یوازي د ساري مریضیو له کله معاینه کیږي، او عمومي معاینات یې نه کیږي. اصلأ هغوی ۱۵ میاشتي وروسته د صحي بیمې کارټونه تر لاسه کوي.

په همدې حال کي د طبي مسلکي کانگرس شاوخوا۱۲۰۰گډون کوونکي تر یکشنبې ورځي پوري د نورو تر څنگ د ساري ناروغیو او له هغه سره د مؤثري مبارزې پر لارو چارو باندي بحثونه کوي.