1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

له ايران سره د امريکا خبرې او د نويو بنديزونو غوښتنې

د امريکې ولسمشر جورج بوش په واشنگټن کې وويل چې که ايران اټومي وسلې تر لاسه کړي نو ټولې نړۍ ته به گواښ ورپېښ وي. ځکه نو لازمه ده چې د ايران په وړاندې بنديزونه لا زيات شي. دا په داسې حال کې ده چې امريکا په لومړي ځل له ايران سره مستقيمې خبرې هم منلې دي.

د ايران ولسمشر محمود احمدي نژاد يو ځل بيا د ايرانيمو د بډاينې بندول رد کړي دي

د ايران ولسمشر محمود احمدي نژاد يو ځل بيا د ايرانيمو د بډاينې بندول رد کړي دي

د ايران په استازيتوب به په عراق کې د ايران سفير ښاغلی حسن کاظمي په خبرو کې ونډه واخلي. د خبرو موضوع به په عراق کې امنيتي وضع وي. دغه څرگندونې د ايران د بهرنيو چارو وزارت کوي. بلې غاړې ته ښاغلی بوش وايي چې د امريکې د بهرنيو چارو وزيرې کندوليزا رايس ته يې ويلي دي چې له اروپا، روسيې او چين سره يو ځای دې هغه په نويو بنديزونو باندې غور وکړي. د اتومي انرژۍ نړيواله اداره وايي چې کېدای شي ايران په راتلونکو درې تر اتو کالو پورې د اتومي وسلو د جوړولو وړتيا ولري. د ايران ولسمشر محمود احمدي نژاد يو ځل بيا د ايرانيمو د بډاينې بندول رد کړي دي.