1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

لس لوړپوړي چارواکي پر پولیسو باندې د برید په تړاو له دندې ګوښه شول

ولسمشر اشرف غني، د دوشنبې په ورځ د کورنیو چارو وزارت لس لوړ پوړي چارواکي «په دنده کې د بې پروایي» له کبله له کاره کوښه کړل. دغه کسان تیره اووني د افغان پولیسو پر بسونو باندې د طالبانو د برید په تړاو له دندې کوښه شوي.

د تیرې اوونې دغه برید ۳۳ کسان ووژل او ۷۹ تنه نور یې ټپیان کړل. ولسمشر غني تر برید وروسته د پیښې د څیړنې له پاره یو کمیسیون جوړ کړ او ټینګار یې وکړ چې کوم افغان چارواکي د تازه فارغ شویو پولیسو د امنیت په نیولو کې تیروتنه کړي وي، نو ورسره به سخت چلن وشي.

له دندې ګوښه شوي کسان د تازه فارغ شویو پولیسو د امنیت نیولو مسوول وو چې اوس تر لومړنیو څیړنو وروسته له کاره ګوښه شوي دي.

تیره اوونۍ طالبانو هغه وخت د تازه فارغ شویو پولیسو پر موټرو باندې ځانمرګي بریدونه وکړل چې هغو د وردکو د پولیسو له اکاډمي څخه د اختر د رخصتیو په موخه کابل ته روان وو.