1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

لخضر براهیمي چین ته په دوه ورځني سفر ځي

د سوریې له پاره د ملگرو ملتونو او عربي لیگ ځانگړی استازی لخضر براهیمي به د سه شنبې په ورځ چین ته په یوه دوه ورځني سفر ولاړ شي. هغه تیره ورځ په مسکو کې د روسیې له بهرنیو چارو وزیر سره لیدلي وو. دواړه هیوادونه چین او روسیه د بشارالاسد د رژیم ملاتړي دي او دوه وارې یې د ملگرو ملتونو د امنیت په شوری کې د سوریې پر ضد پریکړه لیکونه ویټو کړې دي. له بل پلوه په سوریه کې لا هم د دولت او اپوزیسیون تر منځ د جگړو رپوټونه ورکړل شوي دي. د لندن میشته سوریایي بشري حقونو د ټولنې د رپورټ پر اساس تیره ورځ په سوریه کې د نښتو په ترڅ کې ۱۳۰ تنه وژل شوي دي.