1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

لا ډیرو ښځو پر دونالد ترمپ باندې تورونه لګولي دي

داسې ښکاري چې د امریکا په ولسمشریزو ټاکنو کې د نوماند دونالد ترمپ، ستونزې د خلاصیدو نوم نه اخلي. دوو نویو ښځو پر هغه باند تور لګولی دی چې پر دغو ښځو باندې یې لاس وهلی دی.

دونالد ترمپ ټینګار کوي چې دغه ښځې د داسې یوې دسیسې برخه دي چې هدف یې ولسمشرۍ ته د هغه د رسیدو مخنیوي ده، خو پر ترمپ باندې د تور لګوونکو ښځو شمیر ورځ تر بلې ډیریږي.

پر ترمپ باندې د جنسي ناوړه کړنو د تور لګوونکو شمیر ورځ تر بلې ډیرېږي.

پر ترمپ باندې د جنسي ناوړه کړنو د تور لګوونکو شمیر ورځ تر بلې ډیرېږي.

هغه دوه نوې ښځې چې دونالد ترمپ یې په ناوړه جنسي کړنو تورن کړی دی، سمر زروس او کریستین اندیرسن، نومیږي. تر دې مخې د نیویارک ټایمز ورځپانې یو داسې رپوټ خپور کړی وو چې په کې دوو نورو ښځو هم پر ترمپ باندې ورته تورونه لګولي وو.

زروس د «دي اپرنتس» تلویزیوني خپرونې پخوانۍ ګډونواله ده چې دونالد ترمپ یې کوربه وو. هغې وویل چې دونالد ترمپ له ورڅخه غوښتي وو چې ورسره پر تخت سملي. زروس او اندرسن دواړه د داسو پیښو په اړه خبري کوي چې تر لسو کاله ډیر وخت مخکې رامنځ ته شوې دي.

ترمپ بیا د جمعې په ورځ دغه تورونه رد کړل او ویې ویل چې دغه ښخې نه پیژني. که څه هم ترمپ دغه تورونه رد کړي دي، خو داسې ښکاري چې پر دونالد ترمپ باندې تورونو د هغه شهرت ته تاوان رسولی دی. هر څه تر هغه وروسته پیل شول چې د ترمپ د ۲۰۰۵ کال یوه داسې ویدیو خپره شوه چې هغه په کې ډیرې ناوړه خبرې کړې وي.