1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

لامیرت د اروپايي ټولنې د پراخېدو مخالف دئ

د المان د مرکزي شورا بوندستگ رئيس نوربیرت لامیرت، په اروپايي ټولنه کي د نورو هيوادونو د شاملیدو مخالفت کړی دئ. لامیرت د ویلت ام زونتاگ نومې المانۍ مجلې سره په خبرو کي ويلي دي چي په اروپايي ټولنه کي د غړو هيوادونو د شمیر د لا زياتیدو ځای نه سته.

د نوموړي په وينا د اروپايي ټولنې لومړيتوب بايد دا وي چي د شته غړو هيوادونو تر منځ اتحاد او نژدیوالې لا چټک او مستحکمه سي. لامیرت زياته کړی ده چي د بلغاريې او رومانيې د غړيتوب څخه بايد دا پند واخيستل سي چي په اروپايي ټولنه کي د کرويشيا د غړيتوب په برخه کې باید عجله و نه سي.