1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

فولکر کاودر: اسلام د المان په ټولنې پورې اړه نه لري

په المان کې د اسلامي کنفرانس تر دایریدو لږ مخکې د حکومتي ګوند د ائیتلاف مشر فولکر کاودر، ویلي چې اسلام په المان پورې هیڅ اړه نه لري او د دغه هیواد د کلتور او ارزښتونو یوه برخه نه ده. ده دغه څرګندونې یوې آلماني ورځپاڼې ته کړي دي او په دې ډول ئې د پخواني جمهور رئیس کریستیان وولف هغه خبره رد کړې ده چې ویلي ئې وه چې اسلام د المان د هیواد یو جز بلل کیږي.

خو کاودر زیاتوي چې مسلمانان د الماني ټولنې يوه برخه جوړوي او دوی کولای سي د دغه هیواد د اتباعو په حیث د دې ځای د قوانینو څخه په بشپړ ډول مستفید سي. په برلین کې د پنجشنبې په ورځ د دریم وار له پاره د دولتي او د اسلامي ټولنو استازي سره راټولیږي چې د ښځو او نارینه وو ترمنځ د مساوي حقونو، جبري ودونو او په کورونو کې د زورزیاتي په اړه سلا مشوري وکړي. همدارنګه به په دغه کنفرانس کې د سلافیانو له خوا د قرآن کریم پر ویشلو باندې هم خبري وسي.