فرانسې په افغانستان کې خپل جنگي ماموریت پای ته ورساوه | دويچه ويله پښتو | DW | 20.11.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

فرانسې په افغانستان کې خپل جنگي ماموریت پای ته ورساوه

فرانسې د سه شنبې په ورځ په رسمي توگه په افغانستان کې خپل جنگي ماموریت پای ته ورساوه. د فرانسې د هیواد وروستي ۴۰۰ سرتیري نن سهار له کاپیسا ولایت څخه د کابل په لور وخوځیدل. د فرانسې ولسمشر فرانسوا اولاند له افغانستان څخه د دغه سرتیرو د راوتلو موده له ټاکل شوې مودې څخه یو کال تر مخه یعنې ۲۰۱۲م کال ته رامخکې کړه. تر دې دمخه د جولایي په میاشت کې فرانسوي سرتیرو په رسمي توگه د کاپیسا ولایت امنیتي مسئولیت افغان ځواکونو ته سپارلی وو.

زیاته شوې ده چې د ټولو ځواکونو تر وتلو وروسته به ۵۰۰ فرانسوي سرتیري د افغان امنیتي ځواکونو د روزنې له پاره په افغانستان کې پاتې شي، خو په دې اړه څه نه دي ویل شوي چې دغه روزونکي به د څومره مودې له پاره په افغانستان کې میشت وي. د فرانسې پخواني ولسمشر نیکولا سرکوزي، له افغانستان څخه د فرانسوي سرتیرو د راایستلو نیټه د ۲۰۱۳م کال پای ټاکلې وه، خو اولاند دغه نیټه یو کال نوره هم رامخې ته کړه.