1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

آلمان او نړۍ

فرانسوي ژورنالیستان تر اوږده بند وروسته خوشي شول

دوه فرانسوي ژورنالیستان چي 18 میاشتیي يي د طالبانو په بند کي تیري کړي نن «پنج شنبه» د آزادیدو وروسته بیرته خپل کورنو ته ستانه شول. فرانسوي چارواکي وایي چي د دوي د خوشي کیدو په بدل کي يي طالبانو ته پیسي نه دي ورکړي

د آزاد شویو ژورنالیستانو خپلوان

د آزاد شویو ژورنالیستانو خپلوان

کمره مین سټیفان ټاپوني او خبریال هیروي ګسکیغ د فرانسی د دولتی «چینل ۳» کارکونکي ول. دوي د افغانستان په کاپیسا ولایت کي د 2009 کال د نومبر په میاشتي کي برمته کړای شوي ول.

په کابل کي د فرانسي د سفارت چارواکو په حواله دغه دو ژورنالیستان نن «پنجشنبه» د پاریس څخه بیرون د ویاکوبلي په هوایي اډي کي د خپلو کورنیو سره بیرته یو ځایي شوي دي.

دغو چارواکو زیاته کړي چی په حیرانوونکي توګه دواړه ژورنالیستان په جسماني او ذهني توګه روغ او جوړ دي.

د ګسیکغ او ټاپوني خپلوانو مخکي له دي چي دوي دواړه فرانسي ته ورسیږي ویلي ؤ چی دوي به له دغو دواړو ژورنالیستانو څخه هرکلی وکړي او دا چي د هغوي په خوشی کیدو ډیر خوشحاله دي.

تر دي وړاندي د فرانسی لمړي وزیر ویلي ؤ چی د بنده خلاص شوي کسان د تګاب په پوځی اډي کي د فرانسوي ځواکونو سره دي. فرانسه په افغانستان کي شاوخوا څلور زره سرتیري لري چي د طالبانو سره په جګړه بوخت دي.

د فرانسي د ولسمشر د دفتر له خوا په خپري شوي خبرپاڼي کي راغلي چي ولسمشر د خپلو دوو هیوادوالو او همداراز د هغوي د ترجمان په راخوشي کیدو خوشحاله دی.

د دغه دواړو ژورنالیستانو د نیولو پړه طالبانو په غاړه اخیستی ؤ او دوي یي په جاسوسي تورن کړي ول.

دافغان ولسمشر حامد کرزي ویاند، سیمک هیروی، د فرانسي ملت او دواړو خوشی شویو ژورنالیستانو ته مبارکي ورکړي او ویلي یي دی چی دا يوه ډیره لویه لاسه ته راوړنه ده.

د روان کال د جنوري په میاشتي کي د القاعدي د ډلي مشر، اسامه بن لادن، په یوه صوتي پیغام کي فرانسي ته ګواښ کړي ؤ چي دغه دواړه ژورنالیستان به په هغه وخت خوشي شي چي فرانسوي ځواکونه د افغانستان څخه ووزي.

تر اوسه پوره لا دا خبره معلوه نه ده چي دغه دواړه ژورنالیستان د کومو هڅو په پایلي کي راخوشي شوي دي.

د فرانسی د بهرنیو چارو وزیر په دي ټینګار کوي چي دوي د کومو پیسو په بدل کي نه دي راخوشي شوي. هغه ویلی چي افغان ولسمشر پاریس ته په خوندي توګه د دغو ژورنالیستانو راستنولو کي مرسته کړي ده.

اژانسونه/ سید ریاض
کتونکی: مسعود جهش