1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

دويچه ويله پښتو

فرانسوي ځواکونو په مالي کي د ياغيانو پوخ سنگر«گاو» نیولی دئ

فرانسوي او مالي ځواکونو د لويديځې افريقا په مالي هېواد کې د اسلامپالو پوخ سنګر «ګاو» نيولی دی. دغه ښار د پلازمېنې باماکو څخه ۱۲۰۰ کيلومتره شمال ختيځ ته پروت دی. د فرانسې د حکومت مشر، ژن مارک ايغو، هوډ څرګند کړ، چې فرانسوي ځواکونه به ډېر ژر تيمبوکتو ته هم ورسيږي. تيمبوکتو د صحرا دښت په څنډو کې پروت دی او د يونيسکو د نړۍ په کلتوري ميراث کې شمېرل کيږي. اسلامپالو د ۲۰۱۲ کال په اپريل مياشت کې د مالي شمالي برخه نيولې وه او د مسلمانو اولياو ګڼ شمېر زيارتونه يې ويجاړ کړي ول. د لويديځې افريقا هېوادونو اوس ژمنه کړې ده چې ۶۰۰۰ سرتېري به مالي ته ولېږي. دا د پخوانيو ژمنو څخه لوړ رقم دی. فرانسې دا مهال ۲۵۰۰ سرتېري د مالي ماموريت ته لېږلي دي.