1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

فرانسه: په یوه ترافیکي پيښه کې ۴۲ تنه وژل شوي

په فرانسه کې د یوه سرویس او بار وړونکي لارۍ تر منځ د ټکر په پایله کې ۴۲ تنه وژل شوي دي. دغه خبر ځایي چارواکو ورکړی دی. په پیښه کې پنځه تنه ژوندي ژغورل شوي، چې ټپیان دي.

د فرانسې په سویل لویدیځ کې یوې ترافیکي پیښې د ۴۲ انسانانو ژوند اخیستی دی. لکه څرنگه چې د فرانس پرس خبري آژانس د ځایي چارواکو له قوله رپوټ ورکړی دی د بوردو، سیمې د ختیځ په ۴۰ کیلومترۍ کې یو سرویس موټر له بار وړونکي لارۍ سره جنگیدلی دی.

د اطفایې د ویاند په وینا په وژل شوو کسانو کې د لارۍ چلوونکي او د سرویس موټر سپرلۍ شاملي دي چې زیاتره برخه یې د زاړه عمر لرونکي کسان جوړوي. د لومړنیو رپوټونو له مخې سرویس موټر اور اخیستی دی. زیاته شوې ده چې د موټر له سپرلیو څخه یوازې لږ کسان ژغورل شوي دي.

زیاته شوې ده چې له سوځیدلي سرویس موټر څخه پنځه تنه ژوندي ژغورل شوي دي چې ټپیان دي. د فرانسې د کورنیو چارو وزارت په وینا په پیښه کې وژل شوي ټول کسان فرانسوي وگړي دي.

دا په فرانسه کې په تیرو دیرشو کلونو کې تر ټولو خونړۍ ترافیکي پیښه ده. د فرانسې ولسمشر فرانسوا اولاند یونان ته د خپل سفر په ترڅ کې دا یوه ډیره غمجنه پیښه بللې ده.