1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

فرانسه افغانستان ته زر تنه نور عسکر ليږي

دفرانسې اولسمشر نيکولاس سرکوزي لويي برطانيي ته دخپل پرون ورځي سفر په وخت کي په دې مسالي باندي ډير زيات ټينګارکړی دی چي افغانستان ته دي بايد زيات عسکر واستول شي.

د فرانسې جمهوررييس نيکولاس سرکوزي

د فرانسې جمهوررييس نيکولاس سرکوزي

د فرانسې اولسمشر دلويي برطانيې دپارلمان په وړاندي په يوه وينا کي وايي چي مونږ دا نسو کولای چي افغانستان له لاسه ورکړو او که دغه جګړه زمونږ دپاره په هره بيه تماميږي، بايد دي چي مونږ په افغانستان کي دطالبانو پر ضد په جګړه کي بری ترلاسه کړو. دلويي برطانيي په پارلمان کي د سرکوزي د وينا ډير تود هرکلي سوي سرکوزي ويلي دي چي فرانسه به افغانستان ته 1000 تنه نور عسکر هم واستوي. په روان وخت کي 1500 فرانوسوي عسکر په افغانستان کي دي خو په راتلونکي کي به يي شمیر 2500 ورسيږي. د امريکا دمتحده ايالتونو اولسمشر جورج ډبليو بوش دفرانسويانو د دغي پريکړي ډير ښه هرکلی کړی او ويلي يي دي چي په رومانيا کي به دناتو دمشرانو ستره غونډه يو برياليتوب وي.