د عراق حکومت وايي چي ځواکونو يې د موصل ښار په بشپړه توګه له داعش څخه نيولی دی. د فرانس پرېس خبري آژانس د خبر له مخي د موصل ښار پاتي برخي هم د حکومتي ځواکونو لاس ته لوېدلي دي.
د عراق د لومړي وزير حيدرالعبادي د دفتر له خوا د يکشنبې په ورځ (د ۲۰۱۷ کال د جولای ۹مه نېټه) يوه اعلاميه خپره سوې ده. په دغه اعلاميه کي د هيواد قواوو ته د دغې «مهمي بريا» مبارکي ورکول سوې ده.
موصل د عراق دویم لوی ښار دی. داعش دغه لوی ښار په ۲۰۱۴ کال نيولی ؤ او له هغه ځای څخه يې د عراق او سوريې په بعضو سيمو کي اسلامي خلافت اعلان کړی ؤ. د عراق ځواکونو د ۲۰۱۶ کال د اکتوبر په مياشت کي د موصل د بېرته نیولو عمليات پېل کړي ول.
د موصل ښار ختيځه برخه د روان مېلادي کال په جنورۍ مياشت کي د عراقي ځواکونو له خوا ونيول سوه. د هغه څخه يوه مياشت وروسته د ښار د لوېديځي برخي د نيول کيدو عمليات پېل کړل سول. په دغو عملياتو کي د عراق د ملي اردو تر څنګ شعيه او نوري ملېشې هم برخه والي دي.
-
له موصله تېښته
د بې ځایه شویو خلکو ښار
د موصول ښار په شل کليومترۍ کې په يوه کمپ کې په زرونو کسان اوسيږي چې ډير يې ماشومان دي. دغي سيمي ته له ښاره تر درې سوه زرو پوري کسان د داعش له ويري تښتېدلي دي.
-
له موصله تېښته
د دغو تښتيدلو کسانو په منځ کې شل کلن امجد ګالادي، د هغه مېرمن او درې ماشومان هم دي. دی وايې له هواي بمباریو او لاسي بمونو څخه يې ويره لرله. کله چې هغه وکولای شول له خپلې کورنۍ سره وتښتي نو يې د ماشومانو سترګې تړلي وي، ځکه هغوي بايد دغه ويرونکی حالت نه وای ليدلی.
-
له موصله تېښته
په ۴۸ساعتونو کې نوی ژوند
پنځه څلويښت کلنه هانياي ابراهيم او د دې کورنۍ کوښښ کړی چې دغه خيمه لکه د خپل کور په شان جوړه کړي. ابراهيم خپل ميړه د عراق په جګړه کې له لاسه ورکړ. درې اونۍ تر مخه دغه کورنۍ د همام العليل کمپ ته راتښتيدلې ده. دوي د موصول له لويديځ څخه په اته څلويښتو ساعتونو کې تر دې ځايه رارسيدلي.
-
له موصله تېښته
له مرميو تېښته
دغه اوه ديرش کلن عراقی عبيد رامدران هم له خپلې کورنۍ سره همام العلیل ته تښتيدلی. کله چې د دوی پر ناحيه باندي د مرمیو باران کيږي نو دوي له هغه ځايه تښتي. په عراق کې موصول ښار د داعش اصلي مرکز دی.عراقي پوځ له خپلو ملاتړ کوونکو سره يوځاي کوښښ کوي چې دغه ښار بیرته ونيسي.
-
له موصله تېښته
په کمپ کي ورځنی ژوند
د بې ځايه شويو په کمپ کي يو ځوان د خلکو ويښتان جوړوي. په خېمه کې څلور تنه نور هم ښکاري چې د ويښتانو اصلاح کولو په تمه دي، څو وخت ورته ورسیږي. د اصلاح شويو ويښتانو د وروستي ازمايښت له پاره يوه کوچنۍ هنداره راځوړنده ده. د کډوالو له پاره د ملګرو ملتونو اداري د معلوماتو له مخې؛ له موصول ښار له لويديځ څخه هره ورځ تر۴۰ زرو کسانو پورې تښتي.
-
له موصله تېښته
سخت کار
يوه ميرمن په پلاستيکي لګن کې جامې پريمېنځي. د همام العليل کمپ د مهاجرو له پاره یوه لومړنۍ سرپناه برابروي او د ژوند ټول ضروریات پکښې نه شته. په زرونو عراقیان اوس په دغه کمپ کې اوسیږي. د عراق د پوځ له وروستی بريد سره دغه کمپ له مهاجرو ډک شوی دی.
-
له موصله تېښته
راتلونکي به څنګه وي
پر ويجاړيو ناست دوه نارينه د ښار لوري ته گوري. پخوا په دي ځاي کې يو کور ودان وو. دغه سيمه يعني د حمام العليل کمپ سیمه مخکي د ترهگري ډلي داعش په لاس کي وه. په نوامبر مياشت کې د عراق پوځ وکولاي شول دغه سيمه آزاده کړي. ليکونکې : شتیفني هوپنر/ش.ح
