1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

طالبان پر افغان پارلمان د توغندیو برید کړی

طالبانو د دوشنبې په ورځ د افغانستان د پارلمان پر وداندې توغندي وتوغول. دا په داسې حال کې ده چې په دې ورځ د افغانستان استخباراتي ادارې مسوولین او د کورنیو چارو سرپرست پارلمان ته راتلونکي ول.

انځور د بلي پيښي دئ

انځور د بلي پيښي دئ

افغان وکیلانو ویلي دي چې په دې پیښه کې د پارلمان کوم غړی نه دی ژوبل شوی خو د طالبانو ویاند ذبیح الله مجاهد، له رسنیو سره په خبرو کې د دې برید پړه منلې او له کبله د سختو تلفاتو رامنځ ته کیدو ادعا کړې ده.

طالبان ډیر وخت په خپلو بریدونو کې د لوړو تلفاتو رامنځ ته کیدو خبري کوي.

په پارلمان کې د بدخشان ولایت استازي صفي الله مسلم، ویلي دي: «پر پارلمان باندي درې توغندي توغول شوي، خو هغه پر اصلي ودانۍ باندي نه دي لګیدلي. توغندي د جلسې په جریان کې لګیدلي دي.»

په دې اړه چې د پارلمان په ساحه کې لګیدلي توغندي څه ډول ول تر اوسه پورې يې لا دقيق معلومات په اړه نه سته

په هلمند کي ۸ پوليس وژل شوي

افغان چارواکي وايي چي د يکشنبې په ماښام په گريشک ولسوالۍ کي د پوليسو پر دوو پوستو باندي د طالبانو په يرغل کي ۸ پوليس وژل شوي دي.

که څه هم د هلمند ولايت د پوليسو مرستيال آلماس خان د دغو يرغلونو پړه پر طالبانو اچولې خو دغي ډلي تر اوسه پوري په دې اړه څه نه دي ويلي.

څه موده مخکي د کريشک ولسوالۍ پر امنيې قوماندانۍ او امنيت رياست باندي هم وسله والو طالبانو ځانمرگي بريدونه او وسله وال يرغلونه کړي ول.