طالبانو په فاریاب کې پنځه پولیس وژلي دي | افغانستان | DW | 02.05.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

افغانستان

طالبانو په فاریاب کې پنځه پولیس وژلي دي

یوه افغان چارواکي ویلي دي چې د طالبانو یوه برید په فاریاب ولایت کې پنځه پولیس وژلي او څلور نور ټپیان کړي دي. طالبانو په وروستیو وختونو کې د افغانستان په شمال کې خپلو بریدونو ته زور ورکړی دی.

د فاریاب ولایت ویاند جاوید دیدار، ویلي دي چې دغه پیښه د دوشنبې په ورځ په غورماچ ولسوالۍ کې رامنځ ته شوې ده.

دغه چارواکي روښانه کړې ده چې طالبانو د یوې لنډي مودې له پاره د غورماچ ولسوالۍ ډیره برخه تر خپل کنترول لاندې راوسته، خو روښانه یې کړه چې تر سختو نښتو وروسته افغان امنیتي ځواکونه وتوانیدل چې یو ځل بیا طالبان پر شا و تنبوي.

د دیدار په خبره په دې په نښتو کې اته طالب جنګیالي هم وژل شوي دي چي مړي يې د جگړې په سیمه کې پاته شوي دي. طالبانو تر اوسه پورې د فاریاب د پیښې په اړه څه نه دي ویلي.